Koronavırýs: Italııa men AQSh karantın talaptaryn jumsarta bastaıdy
NUR-SULTAN. QazAqparat – Eýropa elderinde koronavırýstan bolǵan ólim-jitiphm azaıyp jatyr. Sondyqtan keı elder karantın sharalaryn jumsarta bastaıdy, dep habarlaıdy QazAqparat VVS agenttigine silteme jasap.
Italııa premer-mınıstri Djýzeppe Kontı 4 mamyrdan bastap elde keıbir shekteýler ishinara alynyp tastalatynyn málimdedi. Onyń aıtýynsha, tamaqtanatyn oryndar men meıramhanalar tamaq sata alady, qazir olarǵa tek úıge tapsyrys berýge ruqsat etilgen.
Italııalyqtar burynǵysynsha eldiń aýmaǵynda saıahattaı almaıdy, biraq olarǵa qaladan qalaǵa bir provıntsııa sheginde barýyna ruqsat etiledi. Týǵan-týystaryna shaǵyn toppen tek maska kıip barýy kerek. Sondaı-aq saıabaqtar da ashylady, biraq onda kóp adamnyń jınalýyna tyıym salynady.
AQSh-ta barlyq shtat juma kúni elde aýyrǵandar sany kún sanap artqanyna qaramastan, karantın sharalaryn jumsarta bastady. Amerıka Qurama Shtattarynda Covid-19 juqtyrý men odan qaıtys bolý jaǵdaılary álemniń basqa elderine qaraǵanda kóbirek: sońǵy málimet boıynsha 957 myń adam koronavırýs juqtyrsa, 54,4 myń adam qaıtys bolǵan.
Osy aptada Djordjııa, Oklahoma, Alıaska jáne Ońtústik Karolına karantındi ishinara jeńildetýge kóshti. Olar kelesi aptada shekteýlerdi odan ári alyp tastaýǵa shaqyrdy.
AQSh-taǵy koronavırýs indetine qarsy kúres jónindegi Aq úıdiń úılestirýshisi, doktor Debora Bırks jýrnalısterge karantın sharalarynyń bir bóligi elde jaqyn arada birneshe aıǵa deıin saqtalatynyn rastady.
