Koronavırýs: Italııa mektepter men ýnıversıtetterdi jaýyp jatyr
RIM. ANSA-QazAqparat – Italııa Úkimeti koronavırýs ınfektsııasynyń taralýyna baılanysty naýryz aıynyń ortasyna deıin eldegi mektepter men ýnıversıtetterdi jabý týraly sheshim qabyldady, dep habarlaıdy QazAqparat tilshisi ANSA agenttigine silteme jasap.
Vırýstyń jańa túrinen kóbirek zardap shekken eldiń soltústik aımaqtary qazirdiń ózinde mektepterdi jaýyp tastaǵan. Sonymen qatar mektep mekemeleri Lombardııa, Veneto, Emılııa-Romanıada, sonymen qatar Pemont, Frıýlı-Venetsııa-Djýlııada, Savon provıntsııasynda, Lıgýrııa, Pezaro-Ýrbıno men Markada jabylǵan.
Sársenbi kúni Italııanyń sport mınıstri Vınchentso Spadafora kásibı fýtbol matchtary men iri sporttyq sharalardy koronavırýs týyndatqan tótenshe jaǵdaıǵa baılanysty jabyq esik tártibinde ótkizetindeı Úkimet buıryq shyǵaratyny jaıly málimdeme jasaǵan.
Italııanyń bas sanıtarlyq dárigeri Anjela Borrelıdiń málimeti boıynsha búgingi tańda elde 2 263 adam koronavırýs juqtyrǵan. 79 jaǵdaı kisi ólimimen aıaqtalǵan. Sonymen qatar Italııada 160 adam koronavırýstan jazylǵanyn da atap ótý kerek.
