Koronavırýs: Italııa bıligi azamattardyń el ishindegi qozǵalysyn shektedi
RIM. QazAqparat – Italııanyń premer-mınıstri Djýzeppe Konte el ishinde jaıylǵan koronavırýsqa baılanysty karantın sharalaryn keńeıtilip, onyń ishinde azamattardyń júrip-turýyna shekteý qoıylatyndyǵy týraly málimdedi, dep habarlaıdy QazAqparat.
«Sońǵy derekterdi, aýrý juqtyrǵandar men qaıtys bolǵandar sanynyń ósýin eskere otyryp, biz Lombardııa men basqa da aımaqtarǵa qatysty sharalardy eldiń barlyq aýmaǵynda qolǵa alý týraly sheshim qabyldadyq», - dedi Konte Facebook -te translıatsııalanǵan baspasóz máslıhatynda.
Ol belgili sebepter bolǵan kezde ǵana elde qozǵalysqa ruqsat etiletindigin túsindirdi, olardyń arasynda jumys nemese otbasy jaǵdaılary, sondaı-aq densaýlyqqa baılanysty qajettilikter bar. Jańa normalar 10 naýryzdan bastap kúshine enedi.
Budan bólek, Konte 3 sáýirge deıin eldegi barlyq oqý ornyn jabylatyndyǵyn málim etti.
Buǵan deıin barlyq kóńil kóterý orny, sport klýby, sulýlyq salony, sondaı-aq taý shańǵysy kýrortyn jabý týraly jarııalanǵan bolatyn. Búkil Italııa boıynsha mádenı mekemeler jabyq.
Sońǵy derekter boıynsha, Italııada ınfektsııa juqtyrǵandardyń jalpy sany 9 myń adamnan asty. 700-den astam adam emdelip shyqty. 463 adam vırýstan kóz jumǵan.
