Koronavırýs: Ispanııada 15 kúnge tótenshe jaǵdaı engizildi

MADRID. QazAqparat – Ispanııa astanasy Madrıd qalasynda 15 kúnge tótenshe jaǵdaı engizildi. Bul qaladaǵy koronavırýstyń taralý aýqymyn tómendetý maqsatynda jasalyp otyr, dep habarlaıdy VVS.

Madrıd pen oǵan jaqyn ornalasqan qalalar oqshaýlanady. Karantın talaptarynyń saqtalýyn 7 myń polıtsııa qadaǵalamaq.

Karantınniń jańa talaptaryna sáıkes, Madrıd pen taǵy toǵyz qalaǵa naqty sebepsiz qatynaýǵa shekteý qoıylǵan. Jergilikti meıramhanalar men dámhanalar keshki saǵat 23:00-ge deıin jabylýy tıis. Sonymen qatar otbasylyq sharalar alty adamnan aspaýy qajet.

Madrıd bıligi ókilderi, koronavırýspen aýyratyn naýqastardyń sany azaıtý úshin, tótenshe jaǵdaı engizý negizsiz degen pikirde.

Al densaýlyq saqtaý mınıstri Madrıda Enrıke Rýıs Eskýdero qabyldanǵan sheshimniń nátıjesi bolatyndyǵy alǵa tartyp otyr.

Eske salsaq, Madrıdte 3 qazanda jańa karantındik shekteý sharalary engizildi.

Sondaı-aq, Ispanııa úkimeti Madrıd pen onyń mańyndaǵy toǵyz qalanyń jergilikti bıligine 48 saǵatqa karantındik sharalar engizýdi tapsyrdy. Ispanııada Covid-19 aýrýyna shaldyqqandar sany artýda. Sońǵy eki aptada elde 133 myńnan astam adam koronavırýs juqtyrǵan. Olardyń úshten biri el astanasynan. Engizilgen jańa sharalar boıynsha, atalǵan qala turǵyndary aýdandar arasyna qatynaı almaıdy. Tek jumysqa, oqý oryndaryna, sondaı-aq dárigerge nemese jaqyndaryna qajettilik bolǵan jaǵdaıda ǵana ruqsat etilgen. 6 adamnan artyq toptasyp júrýge tyıym salynǵan.