Koronavırýs: Iordanııada vırýs juqtyrǵandar sany azaıa bastady
AMMAN. QazAqparat – Iordanııada halyqty vaktsınatsııalaý jalǵasýda, qazir munda aýrý deńgeıiniń tómendeýi baıqalady, bul el bıligine jazǵa deıin ekonomıkanyń jekelegen sektorlaryn ashamyz dep úmittendirip otyr, dep habarlaıdy QazAqparat Koroldiktiń Densaýlyq saqtaý mınıstriligine silteme jasap.
Ramazan aıy Hashımıt Koroldiginiń koronavırýs ınfektsııasynyń taralýyn azaıtýǵa baǵyttalǵan shekteý sharalarymen tuspa-tus keldi. Búgin Iordanııadaǵy barlyq jeke sektor uıymdary saǵat 18.00-ge deıin jumys isteı alady, adamdarǵa úılerine jetý úshin taǵy bir saǵat beriledi, sodan keıin keshki jetiden bastap komendanttyq saǵat bastalady.
Juma kúngi shekteýler burynǵy rejımde jalǵasýda, atap aıtqanda tótenshe jaǵdaılar men keıbir kommýnaldyq qyzmetterdi qospaǵanda, beısenbi kúni keshke senbi kúni tańerteńge deıin eldegi barlyq qozǵalysqa tyıym salynady.
Eske sala keteıik, Iordanııada, barlyq Taıaý Shyǵys elderindegideı, juma jáne senbi demalys kúnderi bolyp sanalady.
Sonymen birge, juma kúni BAQ isteri jónindegi memlekettik mınıstr jáne Iordanııa úkimetiniń resmı ókili Saher Dýdın Ramazan aıynyń sońǵy eki jumasynda meshitterde juma namazyna ruqsat etilýi múmkin dedi.
«Bul eldegi COVID-19 jaǵdaıyna baılanysty», - dedi sheneýnik.
Densaýlyq saqtaý mınıstrliginiń habarlaýynsha, qabyldanǵan shekteý sharalary men halyqty vaktsınatsııalaý oń nátıje berýde. Búgingi tańda Iordanııada koronavırýs juqtyrǵandar men vırýstan qaıtys bolǵandardyń sany azaıyp keledi.
Senbide Iordanııada COVID-19 juqtyrýdyń 1596 jańa jaǵdaıy tirkeldi, ınfektsııadan 61 adam qaıtys boldy.
El ekonomıkasynyń negizgi sektorlarynyń biri – týrızm, sondyqtan jazǵy maýsym qarsańynda bılik te, osy sektorǵa tartylǵan ıordanııalyqtar da antıkovıdtik sharalardy jeńildetýge jáne sheteldik týrısterdi tartýǵa múddeli.
«PTR-testilerdiń oń nátıje kórsetkishteri 5 paıyzǵa deıin tómendegende ǵana onyń saldaryn jumsartý boıynsha sharalar qabyldanatyn bolady», - dep atap ótti S.Dýdın.
«Osylaısha, júrgizilgen PTR-testilerdiń jalpy sanyna oń nátıje kórsetkishteriniń qatynasy 5 paıyzǵa deıin tómendegende, saýda men qyzmetterdiń túrli sektorlarynyń jumysy birtindep qaıta jandanatyn bolady. Bılik bul 1 maýsymnan bastap bolady dep úmittenedi.
Iordanııanyń Densaýlyq saqtaý mınıstrliginiń málimetteri boıynsha, qazir PTR testileriniń oń nátıje kórsetkishteriniń zertteýlerdiń jalpy sanyna qatynasy 12-den 14 paıyzǵa deıin.
«Úkimet bizdiń azamattarymyz bastarynan ótkizip jatqan kúrdeli ekonomıkalyq, áleýmettik jáne psıhologııalyq ahýaldy biledi, biraq sonymen birge pandemııa jaǵdaıyn keri qaıtarǵysy kelmeıdi. Bizdiń maqsatymyz – qaýipsiz jaz mezgiline jetý jáne qalypty ómirge oralý», - dep atap ótti S.Dýdın.
Ol jazda qaýipsiz jaǵdaıǵa qol jetkizý úshin múmkindiginshe kóp adamdy vaktsınalaý qajet ekenin atap ótip, Úkimet úsh mıllıon adamdy vaktsınalaýdy birinshi maýsymǵa deıin aıaqtamaq nıette ekenin aıtty.
Arsen Óteshov
