Koronavırýs ınfektsııasyna test tapsyratyn adamdar sanaty jarııalandy
«Testileý taktıkasy bizde únemi ózgerip otyrady. Testileýge jiberiletin adamdardyń sanyn arttyramyz. Sonymen birge, qalyptasqan jaǵdaıǵa qaraı test tapsyrýshylardyń kontıngentin de ózgertip otyramyz. 13 sáýirden bastap, naýqastardy der kezinde anyqtaý úshin profılaktıkalyq testileý júrgizip kelemiz. Odan bólek, test tapsyratyndardy úsh topqa bóldik. Birinshi topqa naýqastar, onymen jaqyn jáne yqtımal baılanysta bolǵandar, JRVI, pnevmonııamen aýyrǵandar jáne medıtsınalyq qyzmetkerler jatady», - dep túsindirdi bas sanıtarlyq dáriger QR Densaýlyq saqtaý mıınstrliginiń Feısbýktegi baspasóz máslıhatynda.
Onyń aıtýynsha, profılaktıkalyq testileýden ótýi tıis adamdar ekinshi topqa enedi.
«Profılaktıkalyq testileýden kimder ótýi qajettigin anyqtadyq. Bul toptyń talaptary únemi ózgeredi. TJ kezeńinen shyǵarda qalanyń tirshiligin qamtamasyz etetin saladaǵy 60 jastan asqan barlyq mamandardy testileýge jiberetin edik. Al endi profılaktıkalyq testileýge shet elderden kelgen azamattar, sosyn medıtsınalyq qyzmetkerler jiberiledi», - dedi A. Esmaǵambetova.
Sonymen birge, úshinshi toptaǵy testileý epıdemıologııalyq sholý maqsatynda júrgiziledi. Bul topta josparly emdelýge, jedel medıtsınalyq járdem úshin aýrýhanaǵa túsetinder, jabyq medıtsınalyq-áleýmettik mekemelerge túsetin naýqastar bolady.
«Sonymen birge, jańa Qaýly arqyly óńirlerdegi bas sanıtarlyq dárigerlerdiń quzyretin ózgerissiz qaldyrdyq. Olar epıdemıologııalyq kórsetkishter boıynsha testileýge jiberiletin adamdardy belgileıdi», - dedi Aıjan Esmaǵambetova.
Buǵan deıin bas sanıtarlyq dáriger Qazaqstan áýejaılarynda ózge elde júrgizilgen PTR testiniń nátıjesi qabyldanatynyn habarlaǵan edi.
Odan bólek, A. Esmaǵambetova áýe, temir jol qozǵalysy ashylsa da, blokposttardyń nege alynbaıtynyn túsindirdi.
Sonymen birge, COVID-19 naýqasymen baılanysta bolǵandar eki topqa bólinetin bolady.