Koronavırýs ınfektsııasymen kúreste kózge túsken azamattarǵa «Halyq alǵysy» medali berilmek
NUR-SULTAN. QazAqparat – Koronavırýs ınfektsııasymen kúreste kózge túsken Qazaqstan azamattary «Halyq alǵysy» medalimen nagradtalýy múmkin, dep habarlaıdy QazAqparat tilshisi.
«Ashyq NQA» portalynda «Halyq alǵysy» medali týraly QR Prezıdenti Qasym-Jomart Toqaevtyń Jarlyǵynyń jobasy ornalastyrylǵan.
Medal týraly túsiniktemede koronavırýs ınfektsııasyna qarsy kúreste erekshe kózge túsken Qazaqstan Respýblıkasynyń azamattaryn kótermeleý maqsatynda osyndaı sheshim jasalyp otyrǵandyǵy atalyp ótken.
Belgili bolǵandaı, medalmen nagradtaýǵa usynystardy Qazaqstan Respýblıkasynyń Prezıdentine QR Parlamenti palatalary, QR Úkimeti, QR Konstıtýtsııalyq Keńesi, QR Joǵarǵy Soty, mınıstrlikteri, ózge de ortalyq memlekettik organdary, Nur-Sultan, Almaty jáne Shymkent qalalarynyń, oblystardyń ákimderi, sondaı-aq qoǵamdyq birlestikter beredi.
