Koronavırýs ınfektsııasy ótken táýlikte 5 adamnan anyqtaldy

NUR-SULTAN. QazAqparat - Qazaqstanda PTR testiniń oń nátıjesimen 5 adam tirkeldi, dep habarlaıdy QazAqparat COVID-19 taralýyna jol bermeý jónindegi VAK baspasóz qyzmetine silteme jasap.

Ótken táýlikte koronavırýs ınfektsııasyn juqtyrǵan 5 jaǵdaı tirkeldi. Onyń bireýi Nur-Sultan, tórteýi Almaty qalasynda.

VAK málimeti boıynsha elimizde koronavırýs ınfektsııasyn juqtyrǵandar sany 1 305 548 adamǵa jetti.

Sondaı-aq, Qazaqstanda 11 naýqas koronavırýs ınfektsııasynan jazylyp shyqty. Atap aıtqanda, Nur-Sultanda - 5, Almaty oblysynda - 2, Shyǵys Qazaqstan oblysynda - 1, Jambyl oblysynda – 2, Qaraǵandy oblysynda - 1 adam. Sonymen, elimizde barlyǵy 1 291 089 adam COVID-19-dan saýyqty.