Koronavırýs indetin ekinshi ret juqtyrǵan naýqas tirkelgen joq – QR DSM

NUR-SULTAN. QazAqparat – Qazaqstanda koronavırýs ınfektsııasyn ekinshi ret juqtyrý oqıǵasy tirkelgen joq. Bul týraly QR Densaýlyq saqtaý mınıstrliginiń resmı ókili Baǵdat Qojahmetov aıtyp berdi, dep habarlaıdy QazAqparat.

«Qazaqstanda koronavırýs ınfektsııasyn ekinshi ret juqtyrǵan birde-bir naýqas tirkelgen joq. Ondaı aqparat bizge kelip túspedi», - dedi B. Qojahmetov Ortalyq kommýnıkatsııalar qyzmetinde.

Onyń aıtýynsha, Qazaqstanda 2 mln 600 myń PTR testileý júrgizilgen. Onyń ár 26-shysy koronavırýs ınfektsııasy bar degen nátıje kórsetken.

Qazirgi ýaqytta Respýblıka boıynsha kúnine 40 myń testileý jasaý múmkindigi bar. Jyl sońyna deıin onyń sany 64 myńǵa deıin kóbeıedi.