Koronavırýs indeti Taldyqorǵan men Tekeli qalasynda órship tur
TALDYQORǴAN. QazAqparat - Almaty oblysynda zerthana rastaǵan 8 861 koronavırýs ınfektsııasyna qatysty jaǵdaı tirkeldi. Іndettiń taralýy boıynsha Tekeli men Taldyqorǵan qalalary kósh bastap tur, dep habarlaıdy QazAqparat tilshisi.
Resmı derek kózderine súıensek, koronavırýstyń ósý qarqyny sońǵy eki aptada 1,0 % - ǵa deıin jetken. Tekeli men Taldyqorǵan bólek, Qapshaǵaı qalasy, Kóksý, Qaratal, Eskeldi, Aqsý, Panfılov aýdandarynda ınfektsııa juqtyrǵandar sany ósken.
Keshe 71 jaǵdaı anyqtaldy. Ótken aptanyń qorytyndysy boıynsha Almaty oblysynda 1 430 adam koronavırýs ınfektsııasyna shaldyqqan.
Aıta keteıik, óńirde ınfektsııalyq statsıonarlar júktemesiniń ulǵaıýyna baılanysty tósek sany 1 138 - den 1 300-ge deıin artty. Sonymen qatar, koronavırýs ınfektsııasyna kúdikti jáne rastalǵan adamdar úshin reanımatsııalyq tósek sany 124-ten 135-ke jetkizilgen. Sondaı-aq, M emleket basshysynyń tapsyrmasyna sáıkes, 26 reanımatsııalyq bólimshe qajetti jabdyqpen jabdyqtaldy.
Oblysta jaǵdaıy aýyr naýqastar men balalarǵa arnalǵan kópsalaly aýrýhanalar bazasynda 4 ahýaldyq ortalyq qurylǵan. Qajet bolǵan jaǵdaıda tósek-oryn sany 5280-ge deıin ulǵaıtylady.
«Oblys aýrýhanalarynda jeke qorǵaný quraldary men dáriniń eki aılyq qory bar. Budan basqa, halyqtyń áleýmettik osal toptary úshin jergilikti bıýdjet esebinen 92,1 mln teńgege vırýsqa qarsy preparattar satyp alyndy», - deıdi oblystyq densaýlyq saqtaý basqarmasy basshysynyń orynbasary Arman Janseńgirov.
