Koronavırýs: Іndet eń kóp taraıtyn kez naýryzdyń sońyna kelýi múmkin – mınıstr
NUR-SULTAN. QazAqparat – Qazaqstanda koronavırýs indeti eń kóp taraıtyn kez naýryzdyń sońynda kelýi yqtımal. Mundaı boljamdy Úkimet otyrysynda Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Іndetti juqtyrý deńgeıi osy jyldyń naýryz aıynyń sońynda kóp tirkelýi múmkin. Optımıstik stsenarıı boıynsha táýligine 3 myń jaǵdaıǵa deıin kútilýde, al tósek qorynyń barynsha qamtylýy 24 myńǵa deıin jetýi múmkin. Degenmen, atalǵan stsenarıı kezinde qatań karantın talaptaryn engizý josparlanyp otyrǵan joq», - dedi Alekseı Tsoı Úkimet otyrysynda.
Aıta keteıik, búgingi Úkimet otyrysynda Densaýlyq saqtaý mınıstri Alekseı Tsoı vaktsına 1 aqpannan bastap egiletinin jáne eń aldymen kimderge salynatynyn aıtqan bolatyn.
