Koronavırýs: Grýzııada vırýs juqtyrǵandar sany táýligine 24 201 adamǵa jetti

NUR-SULTAN. QazAqparat – Grýzııada ótken táýlikte koronavırýs juqtyrýdyń 24 201 jańa oqıǵasy tirkelgen. Bul týraly el úkimetiniń stopcov.ge arnaıy saıtynan habarlanyp otyr, dep jazady QazAqparat Novostı-Grýzııa aqparattyq portalyna silteme jasap.

24 201 adam – bul elde táýlik ishinde aýrý juqtyrý boıynsha tirkelgen eń joǵary kórsetkish. 26 qańtarda tirkelgen málimetke sáıkes, eń joǵary kórsetkish 17 530-dy quraǵan bolatyn.

Málimet 85 191 testtiń ótkizilýine negizdelgen. Koronavırýsty anyqtaý kórsetkishi: kún saıyn – 28,41%, sońǵy 14 kúnde – 21,96%, sońǵy jeti kúnde – 24,96%.

Sońǵy táýlikte elde koronavırýstan 10 732 adam jazylyp, 36 patsıent qaıtys bolǵan.

31 qańtarda Grýzııada koronavırýs ınfektsııasynyń 13 150 jańa oqıǵasy anyqtaldy, 8 503 naýqas saýyǵyp, 35 adam qaıtys boldy.

Jalpy, pandemııa bastalǵaly Grýzııada koronavırýs ınfektsııasynyń 1 200 124 jaǵdaıy anyqtaldy, onyń ishinde 1 020 510 adam saýyǵyp, 15 016 adam qaıtys boldy.

Bir kún buryn 8 371 adam ekpe saldyrtqan.

Infektsııanyń jańa jaǵdaılary geografııalyq turǵydan kelesideı bólindi:

Tbılısı - 11 800,

Imeretı - 3 134,

Adjarııa - 2 204,

Samegrelo-Zemo Svanetı - 1 628,

Shıda Kartlı - 1 461,

Kvemo Kartlı - 1199,

Kahetı - 1059,

Gýrııa - 473,

Mtsheta-Mtıanetı - 683,

Samtshe-Djavahetı - 471,

Racha-Lechhýmı men Kvemo Svanetı – 89

Qazirgi kezde Grýzııada 164 572 belsendi ınfektsııa juqtyrý jaǵdaıy tirkeldi.

Aýrýhanada 5454 adam emdelip jatyr, onyń 1048-niń jaǵdaıy aýyr. Jasandy tynys alý apparatynda 263 adam bar.

2031 adam kovıd qonaq úılerinde emdelip jatyr.157 087 naýqas úıde em alýda.