Koronavırýs: Gonkongtaǵy Dısneılend ashylǵanyna bir aı ótpeı jatyp qaıta jabyldy
GONKONG. QazAqparat – Koronavırýstyń qaıta órshýine baılanysty Gonkong qalasynda bir aıǵa jýyq ýaqyt buryn ashylǵan Dısneılend qaıta jabyldy, dep habarlaıdy QazAqparat VVS agenttigine silteme jasap.
Saıabaq koronavırýstyń Azııa elderinde keń taralýyna baılanysty qańtar aıynyń sońynda jabylǵan edi. Gonkongta koronavırýs ınfektsııasyna shaldyǵý oqıǵalary azaıǵan soń saıabaqty 18 maýsymda ashý jóninde sheshim qabyldanǵan edi. Alaıda sársenbi kúni Dısneılend qaıta jabyldy.
«Úkimet jáne densaýlyq saqtaý organdarynyń talaptary, sondaı-aq Gonkongta ótkizilip otyrǵan aldyn alý sharalaryna sáıkes, Gonkongtaǵy Dısneılend saıabaǵy aǵymdaǵy jyldyń 15 shildesine deıin ýaqytsha jabylady», - delingen Disney málimdemesinde.
Eske sala ketsek, Gonkong qalasyndaǵy Dısneılend – Dısneıdiń mamyr aıynda ashylǵan ekinshi saıabaǵy. Kelýshilerge esigin alǵashqy bolyp ashqan Dısneılend Shanhaı qalasynda ornalasqan.
