Koronavırýs Golovkın men «Kanelo» arasyndaǵy úshinshi jekpe-jekke kedergi bolyp tur

NUR-SULTAN. QazAqparat - Boxingnews24.com caıtynyń avtory Barrı Holbrýk Gennadıı Golovkın (40-1-1, 35 KO) men Saýl Alvares arasyndaǵy úshinshi jekpe-jek problemaǵa urynýy múmkin dep sanap otyr, dep jazady Sports.kz.

«Golovkın men «Kanelo» arasyndaǵy úshinshi jekpe-jek problemalarynyń biri - ol AQSh-ta yńǵaısyz ýaqytta ótýi múmkin. Eger qyrkúıekke qaraı koronavırýs pandemııasy áli de órship tursa, boks jankúıerleriniń kóbiniń DAZN-ǵa jazylýǵa aqshasy bolmaıdy»,- dep shamalady Holbrýk.

Golovkın men «Kanelo» arasyndaǵy jekpe-jek 12 naýryz kúnine josparlanǵan. Alaıda onyń bári koronavırýs pandemııasynyń qashan basylatynyna baılanysty bolyp otyr.

Sondaı-aq, oǵan deıin eki boksshynyń aralyq jekpe-jegi ótedi dep belgilengen. Golovkın Kamıl Sheremetamen, al Alvares - Bıllı Djo Sondercpen judyryqtasýy tıis.