Koronavırýs: Germanııa komendanttyq saǵat engizbek
Lıvııada halyqty koronavırýs ınfektsııasyna qarsy ekpe egý naýqany bastaldy. Atap aıtqanda, Trıpolıde alǵashqy vaktsınany eldiń ýaqytsha premer-mınıstri Abdel Hamıd Dbeıba men densaýlyq saqtaý mınıstri Alı az-Zınatı aldy. Ýaqytsha premer ekpe egý kompanııasyn óz kabınetiniń basty maqsattarynyń biri dep jarııalap, aldyńǵy úkimetti vaktsınatsııanyń kesh bastalǵanyna aıyptady.
Italııada indettiń taralý qarqyny tómendeýde. Ótken táýlikte elde 17 567 jańa juqtyrý jaǵdaıy anyqtalǵanyn (bir kún buryn - 18 938) eldiń Densaýlyq saqtaý mınıstrligi habarlady. Qarqyndy terapııa palatalaryndaǵy patsıenterdiń sany 3603-ten 3588-ge deıin azaıǵan.
⠀
Germanııada epıdemıologııalyq qaýpi joǵary aımaqtar úshin komendanttyq saǵat engizilýi múmkin. Mundaı shara juqpaly aýrýlardyń aldyn alý jáne olarǵa qarsy kúres týraly jańa zań jobasynyń aıasynda kózdelgen. Keshki saǵat 21.00 -den tańǵy saǵat 05.00-ge deıin úıden ketýge tyıym sońǵy jeti kún ishinde 100 myń turǵynǵa shaqqanda indetti juqtyrý deńgeıi 100 jaǵdaıdan asatyn barlyq okrýgterde engizilmek.
⠀
Irannyń 23 provıntsııasynda epıdemııanyń taǵy bir tolqyny aıasynda 10 kúndik lokdaýn engizildi. Fırmalar, mektepter, teatrlar, sport mekemeleri jabyq, adamdardyń toptalyp jınalýyna tyıym salynǵan. Islam Respýblıkasynyń Prezıdenti Hasan Roýhanı aýrýdyń órshýin Iranǵa « Brıtandyq « shtammnyń enýimen, sondaı-aq Naýryz merekesi kezinde el ishindegi júris-turystyń kóbeıýi jáne adamdardyń merekelik sharalardy uıymdastyrýmen baılanystyryp otyr.
