Koronavırýs: Ǵalamshardyń qansha turǵyny tolyq vaktsına aldy

NЬıÝ-IORK. QazAqparat – Qazirgi kezde álemniń 154 elinde COVID-19 vırýsyna qarsy 781 mln-nan astam ekpe salyndy. Bul vaktsınany tolyq alǵan ǵalamshar turǵyndarynyń sany nebári 5,1 paıyzdy quraıtynyn shamalaýǵa múmkindik beredi, dep habarlaıdy QazAqparat Bloomberg agenttiginiń jasaǵan esebine silteme jasap.

Agenttiktiń baǵalaýynsha, statıstıka jasalǵan elderde vaktsınalaýdyń ortasha qarqyny qazirgi kezde kúnine 17,9 mln dozany qurap otyr.

«Bul alańdatarlyq jaǵdaı. Osyndaı qarqynmen jahandyq ımmýnıtettiń aıtarlyqtaı deńgeıine jetý úshin, jyldar qajet bolady». Aıtarlyqtaı deńgeı mánine turǵyndardyń 70-ten 85 paıyzyna deıingi kórsetkish kirip otyr.

Bloomberg sondaı-aq shyǵarylǵan vaktsınalardyń birkelki úlestirilmegenin de atap ótýde. «Tabys deńgeıi eń joǵary elderde vaktsınalaý tabysy eń tómen deńgeıi bar elderge qaraǵanda 25 ese jyldam ótýde.

Ǵalamshar turǵyndarynyń 11,1 paıyzy turatyn eń baı 27 memlekettiń úlesi 39,3 paıyzdy (COVID-19 vırýsyna qarsy egilgender) qurap otyr.

Sondaı-aq koronavırýsqa qarsy eń kóp ekpe salynǵan elder arasynda AQSh eli kósh bastaýda – munda 187 mln vaktsına dozasy egilgen, ótken aptada ortasha eseppen alǵanda kúnine 3,14 mln dozadan bolǵan, dep jazady Bloomberg. Osyndaı qarqyn saqtalǵan jaǵdaıda, elde nebári úsh aıdan keıin turǵyndardyń 75 paıyzyna vaktsına salynady.

Aıta ketsek, birinshi «úshtikke» Qytaı (164,5 mln ekpe) jáne Úndistan (104,4 mln) kirdi.