Koronavırýs: Gaagada mıtıng ótip jatyr, Irlandııa «AstraZeneca»-men egýdi toqtatty
LONDON. QazAqparat – Nıderlandyda lokdaýnǵa qarsy demonstranttarǵa polıtsııa sý shashyp, rezeńke taıaq qoldandy. Irlandııa AstraZeneca vaktsınalaryn qoldanýdy ýaqytsha toqtatqan Eýropanyń birneshe eliniń qataryna qosyldy. Bul – vaktsına alǵandarda tromboz paıda bolyp jatqandyǵy týraly habarlamalarǵa baılanysty. Degenmen, vaktsınatsııa men qan uıý arasyndaǵy baılanys áli de dáleldenbegen. Al Parıjdegi jansaqtaý bólimshelerinde jatqan naýqastar basqa qalalarǵa aýystyrylyp jatyr. Álemdegi osy jáne ózge de jańalyqtar jóninde QazAqparat VVS-ge silteme jasap habarlaıdy.
Nıderlandy polıtsııasy Gaagadaǵy demonstratsııany taratý úshin adamdarǵa qarsy sý shashyp, taıaq paıdalandy. Mıtıngige qatysýshylar karantın sharalaryn joıýdy talap etýde. .
Jeksenbide Gaaga ortalyǵyndaǵy alańǵa narazylyq bildirýshi eki myńǵa jýyq adam jınaldy. Áleýmettik qashyqtyqty saqtamaǵan turǵyndar mıtıng aıaqtalǵannan keıin de úılerine taraýdan bas tartqan. Daýys zoraıtqysh arqyly jasalǵan eskertýlerdi elemegen. Budan soń polıtsııa kúsh qoldana bastady. Birneshe adam ustaldy.
Nıderlandyda karantınge qarsylyq bildirýshilerdiń agressıvti narazylyqtary ekinshi aı jalǵasýda. Olar shekteýler múldem qajet emes nemese qoǵamnyń eń osal toptaryna ǵana qatysty bolýy kerek dep sanaıdy.
Qańtar aıynyń sońynan bastap Nıderlandyda qatań lokdaýn kúshine endi. Meıramhanalar men barlar jabyq, Ekinshi dúnıejúzilik soǵys ýaqytynan beri elde alǵash ret komendanttyq saǵat engizilgen.
Irlandııanyń Ulttyq ımmýndaý komıteti trombtardyń paıda bolýyna baılanysty Norvegııadan kelip túsken jańa habarlamalardan keıin Oksford ýnıversıteti men AstraZeneca kompanııasy óndirgen vaktsınany qoldanýdy ýaqytsha toqtatýǵa keńes berdi.
Buǵan deıin AstraZeneca vaktsınasyn Bolgarııa, Danııa, Islandııa, Norvegııa jáne Taıland toqtatty. Sebebi Eýropanyń 30-ǵa jýyq turǵyny Oksford vaktsınasyn alǵannan keıin trombtar problemasyna shaǵymdanǵan. Dúnıejúzilik densaýlyq saqtaý uıymy juma kúni AstraZeneca vaktsınasy men qan uıyǵyshtyq arasynda eshqandaı dálel joq ekenin málimdep, elderdiń bıligin pandemııamen kúreste vaktsınany qoldanýdy toqtatpaýǵa shaqyrdy.
Frantsııa bıligi el astanasynyń medıtsınalyq mekemeleriniń júktemelerin jeńildetý úshin keıbir naýqastardy Parıjden jáne onyń mańynan eldiń basqa qalalaryna tasymaldaý sheshimin qabyldady.
Koronavırýs juqtyrýdyń jańa jaǵdaılarynyń kóbeıýine qaramastan, Frantsııa prezıdenti Emmanýel Makron áli de ulttyq karantın engizer emes. Koronavırýs boıynsha statıstıkasy joǵary jekelegen qalalarda qatań sharalar kúshinde, olar tek Parıjde qoldanylmaıdy.
Qazirgi ýaqytta Frantsııada Covid-19-ben aýyratyn 4,1 myń adam ıntensıvti terapııa bóliminde jatyr. Onyń 1,1 myńy – Parıjde jáne onyń aınalasyndaǵy eldi mekenderde.
