Koronavırýs: Fýtboldan Eýropa chempıonatynyń fınaldyq kezeńi keıinge qaldyryla ma
NUR-SULTAN. QazAqparat - UEFA vıtse-prezıdenti Mıshel Ýva koronavırýs dertine baılanysty 2020 jylǵy Eýropa chempıonaty fınaldyq kezeńin ótkizýden bas tartý nemese keıinge qaldyrý jóninde pikirin bildirdi, dep habarlaıdy QazAqparat tilshisi Chempıonat saıtyna silteme jasap.
«Qazir biz jaǵdaıdy baqylap otyrmyz. Fýtbol eldegi jaǵdaıǵa baılanysty rettelýi tıis. Biz týrnırdi toqtatpaýǵa tyrysamyz. Jaǵdaı kúrdeli sıpatqa ıe bolsa, jarys toqtatylady», - dedi Mıshel Ýva.
Esterińizge sala ketelik, 2020 jylǵy Eýropa chempıonatynyń fınaldyq kezeńi 11 memlekettiń 12 stadıonynda ótkiziledi. Týrnırge 24 qurama qatysady. Jarys 12 maýsymda bastalyp, 12 shildede Anglııanyń «Ýemblı» stadıonynda máresine jetedi.
