Koronavırýs: Frantsııada vaktsına almaǵan turǵyndarǵa emdi aqyly etý usynyldy

NUR-SULTAN. QazAqparat – Frantsııada koronavırýsqa qarsy vaktsına almaǵan turǵyndarǵa medıtsınalyq kómekti aqyly etý usynyldy. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Frantsııada dárigerler vaktsınalanbaǵan turǵyndar úshin COVID-19 emin aqyly etýdi usyndy. Óıtkeni eldiń densaýlyq saqtaý shyǵyndary únemi ósip keledi. Ortasha alǵanda, bir naýqasty reanımatsııada emdeý Frantsýz bıligine 3340 dollarǵa shyǵady.

Avstralııa vaktsınanyń býsterlik dozasyn alýǵa quqyǵy bar azamattardyń tizimin keńeıtti – endi revaktsınatsııa 16-17 jas aralyǵyndaǵy jasóspirimder úshin qoljetimdi boldy. Bılik bul sheshimdi elde koronavırýstan bolatyn ólim kórsetkishiniń ósýine baılanysty qabyldady.

Birqatar elde koronavırýs juqtyrǵandardyń táýliktik ósýi boıynsha antırekordtar tirkeldi: Brazılııada – 269 968, Túrkııada – 93 586, Japonııada – 81 816, Nıderlandyda – 74 085, Ońtústik Koreıada – 17 542.