Koronavırýs: Frantsııada túrmede otyrǵan 6 myńnan astam adam bostandyqqa shyqty
BRıÝSSELЬ. QazAqparat - Frantsııa COVID-19 pandemııasyna baılanysty túrmede otyrǵandar sanyn qasqartyp jatyr, dep habarlaıdy «QazAqparat» HAA-niń menshikti tilshisi RTL-ge silteme jasap.
Naýryzdyń 16-sy men sáýirdiń 1-i aralyǵynda, Frantsııa túrmelerindegiler 6 266 adamǵa azaıdy. Mundaı ıgi qadamǵa eldiń Ádilet mınıstrligi bastamashy bolyp otyr. Buǵan sebep - túrmede otyrǵan bir adam men nadzırateldiń koronavırýstan qaıtys bolýy. Bılik ókilderi pandemııa túrmeni jaılap ketýi múmkin dep úreılenip otyr. Frantsııada bas bostandyǵynan aıyrý oryndarynda otyrǵan adamdar óte kóp. Jalpy alǵanda eldiń penıtentsıarlyq júıesi 61 myń tutqyndy ustaýǵa jaraıdy. Al 1 sáýirden bastap memlekettegi 188 túrmede 66 309 adam otyrǵan.
Jazany oryndaý ulttyq qyzmetiniń sońǵy baǵalaýlary boıynsha, sottalǵan 48 azamattan koronavırýs tabylǵan, 925 adam oqshaýlandyrylǵan, 300 adam eki aptalyq karantınnen shyqty. Túrmelerdegi 42 myń qyzmetkerdiń 114-nen qaýipti vırýs anyqtaldy.
Tımýr Dúısekeev
