Koronavırýs: Feık aqparattar jyldam tarap jatyr
NUR-CULTAN. QazAqparat – Koronavırýstyń jańa túriniń taralýyna baılanysty oǵan qatysty aqparattardyń mańyzy arta tústi. Áleýmettik medıa ǵasyrynda bul Facebook pen YouTube-qa úlken jaýapkershilik júkteıdi, dep habarlaıdy QazAqparat VVS-ge silteme jasap.
«Búgingi tańda mıllıardtaǵan adam osy eki platformadan aqparat izdeıdi. Bul eki jeli jalǵan aqparat taratýshylar úshin de ashyq alańǵa aınaldy. Mysaly, Facebook toptarda vaktsınaǵa qarsy jalǵan aqparat pen 5G jelisine qarsy adamdardyń feık jańalyqtary jyldam tarady», - dep jazady basylym.
Avtordyń aıtýynsha, tipti bul eki taqyryptardy koronavırýspen baılanystyrýshylar qatary da kóbeıgen.
«Youtube-te koronavırýs paıda bolǵanǵa deıin bir apta buryn 5G engizilgeni týraly aqparat tarady. Sonymen qatar, Diamond Princess krýız laıneri dál osy jelini paıdalanǵandyqtan, laıner jolaýshylary vırýs juqtyrǵan deýshiler de bar. Taǵy bireýler vırýsty Amerıka nemese Qytaı úkimeti birigip zerthanada ádeıi jasaǵan degen de teorııa taraǵan. Sonymen qatar koronavırýs bıologııalyq qarý jasaý barysynda paıda bolǵan degen jalǵan aqparattar da osy jeliler arqyly keń tarady», - dep jazady avtor.
Onyń aıtýynsha, áleýmettik jeliler dezınformatsııamen kúresýge barynsha tyrysyp jatqanymen, bul elilerdegi jalǵan aqparat áli de suranysqa ıe taýarǵa aınalyp otyr.
