Koronavırýs: Eýropada 5 jastan asqan balalarǵa vaktsına salyna bastady
Erýokomıssııa basshysy Ýrsýla fon der Lıaıen koronavırýstyń «omıkron» nusqasynyń qańtar aıynda Eýropada basym bolatynyn eskertti. Bul rette ol Eýroodaq elderinde vırýspen kúres júrgizý úshin vaktsına jetkilikti ekenin atap ótti.
«Aýrýǵa shaldyǵýdyń jańa oqıǵalarynyń sany árbir eki ne úsh kún saıyn eselenip keledi ján ebul úlken kórsetkishter. Ǵalymdardyń aıtýynsha, qańtardyń ortasyna qaraı «omıkron» Eýropada jańa domınantty nusqa bolatynyn kútýge bolady», - dedi fon der Lıaıen Evroparlamentke.
Dúnıejúzilik densaýlyq saqtaý uıymy (DDSU) koronavırýstyń jańa nusqasynyń álemde úlken qarqynmen taralyp otyrǵanyn eske salýda. «Omıkrondy « juqtyrý oqıǵalary 77 elde rastaldy. Osy arada, AQSh-ta koronavırýs juqtyryp qaıtys bolǵan adamdar sany 800 myńnan asqan – bul álem boıynsha eń joǵary kórsetkish.
«Omıkron» belgileri ózge nusqalarǵa uqsamaıdy
Oksford ýnıversıtetiniń professory Djon Bell «omıkron» belgileriniń koronavırýstyń basqa nusqalarynan erekshelenetinin aıtýda. Onyń sózinshe, vırýstyń bul nusqasyna shaldyqqan adamdardyń bulshyqeti, ásirese arqasy aýyryp, murny biteledi, asqazany qabynyp, ishi ótedi. Mıalgııa, ıaǵnı bulshyqettiń aýy rýy – jańa nusqanyń erekshe belgisi, densaýlyq saqtaý salasynyń qyzmetkerleri munyń sebebin ázirge túsine almaı otyr.
D. Bell «omıkronnyń» belgileri jaıly túsinik bolǵanymen, onyń basqa erekshelikterin áli de anyqtaý qajet ekenin aıtýda.
Pfizer kovıdti emdeýge arnalǵan jańa dári shyǵardy
Pfizer kompanııasy koronavırýs saldaryn emdeýge arnalǵan jańa Paxlovid preparatynyń tıimdiligin málimdedi. Preparat qaýip tobyndaǵy adamdar arasynda aýrýhanaǵa jatý jáne ólim jaǵdaılaryn 90 paıyzǵa azaıtty.
Testileýge 2,2 myńnan artyq volonter qatysqan. Alynǵan málimet qarasha aıynda jarııalanǵan nátıjeni rastap shyǵardy.
Kompanııa birde-bir elde qoldanýǵa ruqsat etilmegen P akslovıd preparaty zerthanalyq synaqta koronavırýstyń «omıkron» nusqasyna qarsy tıimdiligin tanyta alǵanyn málimdedi.
Pakslovıd eki preparat - jańa tájirıbelik dári N ırmatrelvır men AITV-ǵa qarsy qoldanylatyn vırýsqa qarsy R ıtonavır preparattarynyń qosyndysy. Bul dárini bes kún qabyldaý qajet.
Taǵy bir preparat, Merck kompanııasy shyǵarǵan M olnýlıravır Ulybrıtanııada qoldanýǵa ruqsat etilgen. Alaıda zertteý qorytyndylary M olnýlıravırdiń aýrýhanaǵa jatqyzý jáne ólim oqıǵalarynyń sanyn nebári 30 paıyzǵa tómendetkenin kórsetti, ony qoldaný qaýipsizdigine de qatysty suraqtar týyndaǵan. Oǵan qaraǵanda, Pfizer kompanııasy shyǵarǵan preparattyń nátıjeliligi kóp.
Italııa elge kirý erejelerin kúsheıtti
Italııa beısenbiden bastap EO-nyń basqa elderinen kirý erejelerin kúsheıtedi. Endi elge kirmek bolǵan adamdar koronavırýsqa test tapsyryp, vaktsına almaǵandar beskúndik karantınge jatqyzylady. Buǵan deıin Italııaǵa EO elderinen kelýshiler vaktsına týraly kýálik, saýyqqany nemese koronavırýsqa qarsy test tapsyrǵanyn rastaıtyn anyqtama usynyp kelgen.
Vaktsına almaǵan saıahatshylar karantınde oqshaýlanady, ekpe saldyrtqandar testiń teris nátıjelerin usynýy tıis. Jańa sharalar merzimi - 16 jeltoqsan men 31 qańtar aralyǵy.
Eýropa balalarǵa vaktsına sala bastaıdy
Sársenbi kúni Eýropanyń birneshe memleketi 5-11 jas aralyǵyndaǵy balalarǵa vaktsına sala bastady. Bul shara vırýstyń «omıkron» nusqasynyń jyldam taralýy jaǵdaıynda mektepterdiń jabylyp qalmaýy maqsatymen júrgizilýde.
Germanııa, Ispanııa, Grekııa jáne Vengrııa kishi jastaǵy balalarǵa ekpe sala bastady. Dárigerler vaktsınanyń ata-analar tarapynan úlken suranysqa ıe bolǵanyn aıtyp otyr.
Grekııanyń Bilim mınıstri Nıkı Kerameýs kishkentaı balasyna vaktsına saldyrtý úshin afınalyq aýrýhanaǵa birinshilerdiń qatarynda kelgen.
Búginde elde 30 myńnan astam bala ekpe alýǵa jazylǵan.
«Omıkron» juqtyrý oqıǵalarynyń kóp sany tirkelgen Danııa men Avstrııanyń keıbir aımaqtarynda kishi jastaǵy balalarǵa ekpe saldyrtý usynysy qarashada túsken.
Іri elder arasynda balalarǵa ekpe saldyrtqan – Qurama Shtattar, búginde elde 5-11 jas aralyǵyndaǵy bes mıllıonnan astam balaǵa vaktsına egildi.
Germanııanyń keıbir qalalarynda balalarǵa ekpeni murajaılar men haıýanattar baǵynda salý josparlany p otyr, basqalarynda mektep syrtyndaǵy mobıldik brıgadalar qurylmaq.
Ispanııada 5-11 jas aralyǵyndaǵy balalarǵa ekpe salý naýqany bastalýda – bul topqa shamamen 3,3 mıllıon adam kirip otyr.
Eýropanyń birqatar elderi, sonyń ishinde Italııa, Portýgalııaıa, Polsha, Baltyq elderi jáne Cheehııa osyǵan uqsas naýqandardy aldaǵy kúnderi iske asyrmaq.
Ýkraına kovıdke qatysty shekteýlerdi taǵy úsh aıǵa sozdy
Ýkraın úkimeti pandemııaǵa baılanysty shekteýlerdi jeltoqsan sońynan bastap taǵy úsh aıǵa – 31 naýryzǵa deıin sozady. Buǵan elde vaktsınalaýdyń tómen deńgeıi sebep bolýda. Bul týraly sársenbi kúni eldiń premer-mınıstri Denıs Shmygal málim etti.
Onyń túsindirýinshe, bul kópshilik oryndarǵa kovıd-sertıfıkattarmen kirý, maska taǵý jáne qashyqtyqty saqtaý erejeleri óz kúshinde qalatynyn bildiredi.
Premer shekteýlerdiń eldegi turǵyndardyń 70 paıyzy vaktsına saldyrtpaǵansha saqtalatynyn qosyp ótti.
Ýkraına Densaýlyq saqtaý mınıstrliginiń málimetinshe, eldegi 41 mln halyqtyń 12,6 mıllıony ǵana kovıdke qarsy vaktsınanyń eki dozasyn saldyrtqan, bul rette aýrý juqtyrýdyń 3,6 mln oqıǵasy men 92 myńǵa jýyq ólim oqıǵasy tirkeldi.
