Koronavırýs: Eýropa lıgasynyń «Inter» - «Lýdogorets» oıyny jankúıersiz ótedi
NUR-SULTAN. QazAqparat – Bundaı sheshimge Italııadaǵy koronavırýstyń órshýi sebep bolyp otyr, dep habarlaıdy QazAqparat.
Eýropa lıgasynyń 1/16 fınalynyń «Inter» - «Lýdogorets» komandalary arasynda bolatyn qarymta oıyny jankúıersiz ótedi, dep habarlandy Bolgarııa komandasynyń resmı saıtynda.
Mundaı sheshim Italııadaǵy koronavırýstyń órshýine baılanysty qabyldandy. Buǵan deıin elde vırýstyń taralýyna baılanysty ıtalııalyq A serııasynyń 25 týrynyń tórt matchy toqtatylǵan edi. Sondaı-aq áýesqoı jáne jastar lıgasynda 42 match keıinge qaldyryldy.
Aıta keteıik, komandalar arasyndaǵy alǵashqy matchta «Inter» syrt alańda 2:0 esebimen basym túsken bolatyn.