Koronavırýs: Eýropa elderinde oqý jyly qalaı bastalady

LION. EURONEWS – QazAqparat – Ispanııada alty jastan asqan oqýshylar sabaqqa maska taǵyp barady. Bul shara beısenbi kúni Madrıd jáne óńirlik bılik arasynda kelisilip, eldiń barlyq avtonomdyq qoǵamdastyqtarynda engizilip otyr. Sońǵy táýlik ishinde Ispanııada aýrý juqtyrýdyń 7300-ge jýyq jańa oqıǵasy anyqtaldy, dep habarlaıdy QazAqparat Euronews agenttigine silteme jasap.

Frantsııada oqý jyly ýaqtyly bastalady, biraq joǵary synyp oqýshylary maska taǵýǵa mindetti bolady. Bul rejım 11 men 18 jas aralyǵyndaǵy oqýshylarǵa qatysty. Elde koronavırýstyń taralýyna qatysty jaǵdaı aıtarlyqtaı nasharlaǵan. Sońǵy táýlikte medıtsınalyq qyzmetter aýrý juqtyrýdyń 6 myńnan astam jańa oqıǵasyn anyqtady. Departamentterdiń besten bir bóligi Covid-19 taralýynyń «qyzyl aımaǵyna» aýystyrylǵan. Parıj bıligi qalanyń barlyq jerlerinde qorǵanys maskalaryn taǵýdy mindetteý sheshimin qabyldaǵan.

Germanııanyń kóptegen mektepteri ashyldy. Berlınde 820-dan astam mekteptiń 41-inde aýrý juqtyrý oqıǵalary anyqtalǵan. Búkil el boıynsha myńdaǵan oqýshy otbasylyq merekelerdiń ınfektsııanyń taralý oshaǵyna aınalǵan soń karantınge jabyldy. Federaldyq úkimet men óńirlik bılik qorǵanys maskasyn taqpaǵan azamattarǵa 50 eýro kóleminde aıyppul salýdy engizý týraly kelisken. Sońǵy táýlikte Germanııada

1 507 adam aýrý juqtyrdy.