Koronavırýs: Eýroodaq elderi daǵdarystan shyǵý joldaryn kelise almaýda - The Guardian
NUR-SULTAN. QazAqparat - Eýroodaq elderiniń basshylary koronavırýs kesirinen týyndaǵan daǵdarystan ekonomıkany qalaı qutqarý týraly ortaq sheshimge kele almaı jatyr, dep jazady The Guardian.
«Eýroodaqqa múshe memleketterdiń basshylary vıdeokonferentsııa formatynda kezdesip, ekonomıkany qaıta qalpyna keltirý josparyn talqylady. Degenmen, ortaq kelisimge kele almaǵandyqtan, jınalys eki aptaǵa shegerildi. Osy ýaqyt ishinde memleketterdiń qarjy mınıstrlikteri jospar jasaýy tıis», - dep jazady avtor.
Maqalada aıtylǵandaı, vırtýaldy sammıt kezinde Italııanyń premer-mınıstri Djýzeppe Kontk burynǵy jobany maquldamaı, kerisinshe, bul jospar iri masshtabty daǵdaryspen kúreste tıimsiz bolady dep synady.
Tórt saǵatqa sozylǵan otyrys sońynda Eýrokeńes tóraǵasy Sharl Mıshel jýrnalısterge Eýroodaq durys sheship qabyldaýǵa tyrysatynyn aıtyp, kelesi otyrys 19 qarjy mınıstrimen jalǵasatynyn málimdedi.
