Koronavırýs: EO Ýkraınany vırýstyń órshýine baılanysty «jasyl» tizimnen shyǵardy
Djons Hopkıns ýnıvesıtetiniń málimetinshe, álemde pandemııa kezinde Covid-19 juqtyrýshylar sany 250 mln adamnan asqan, 5 mıllıonnan astam adam kóz jumǵan.
Reseıde alǵash ret bir táýlikte 1,2 myńnan astam ólim jaǵdaıy tirkelgen.
Qazir kóptegen el aýrý juqtyrýshylar sanynyń kúrt artýyna alańdaýly. AQSh, Ulybrıtanııa men Reseıde epıdahýal óte kúrdeli bolyp otyr.
Osy úshtikten keıingi qatarda Túrkııa, Ýkraına men Germanııa tur. Seısenbi kúni Eýroodaq epıdemıologııalyq jaǵdaıy qolaıly elderdiń «jasyl» tiziminen Ýkraınany shyǵaryp tastaǵany belgili boldy. Sońǵy 28 kúnde munda jarty mıllıonnan astam adam aýrýǵa shaldyqqan, 14,6 myń adam kóz jumǵan. Elde pandemııa bastalǵaly koronavırýstan 78 myń adam qaıtys bolǵan.
«Jasyl» tizimge azamattary úshin EO bıligi mindetti emes (ıaǵnı týrıstik) saıahatqa shekteýlerdi alyp tastaýdy usynatyn elder kiredi; endi mundaı saparlardy shekteý usynylady. Alaıda, EO bıligi men Ýkraınanyń syrtqy ister mınıstrligi túsindirgendeı, bul ýkraındyqtar endi Eýropaǵa vızasyz barý quqyǵynan avtomatty túrde aırylady degendi bildirmeıdi. Bul týraly sheshimdi ár el jeke qabyldaıdy, al ázirge EO memleketteriniń kópshiligi halyqaralyq deńgeıde tanylǵan preparattarmen tolyq vaktsınalaýdan ótken ýkraındyqtarǵa kirýge ruqsat beredi.
«Ýkraına EO-nyń «jasyl» tiziminen shyǵarylǵannan keıin EO shekaralaryn tolyǵymen jabýǵa bolmaıdy. Bul usynys, al sońǵy sheshimdi ár el jeke qabyldaıtyn bolady. Ýkraınanyń SІM ýkraınder úshin barynsha saıahat erkindigin saqtaý úshin seriktesterimen belsendi túrde jumys isteýde», - dep jazdy Tvıtterde Ýkraına SІM basshysy Dmıtrıı Kýleba.