Koronavırýs: Eńbek mınıstrliginiń qoǵamdyq qabyldaý bólimi onlaın jumysqa aýysty

NUR-SULTAN. QazAqparat – QR Eńbek jáne halyqty áleýmettik qorǵaý mınıstrliginiń Qoǵamdyq qabyldaý bólimi qashyqtan jumys isteýge kóshti, dep habarlaıdy QazAqparat.

«Koronavırýs ınfektsııasynyń taralýyna baılanysty azamattardyń ómiri men densaýlyǵyn qorǵaý maqsatynda QR Eńbek jáne halyqty áleýmettik qorǵaý mınıstrliginiń Qoǵamdyq qabyldaý bólimi 2022 jylǵy 28 shildeden bastap epıdemıologııalyq jaǵdaı turaqtalǵanǵa deıin qashyqtan jumys isteý rejımine kóshedi.

Barlyq ótinishter resmı ınternet-resýrs (mınıstrdiń blogy, «suraq-jaýap» servısi) jáne Azamattardyń barlyq ótinishterin qabyldaý men óńdeýdiń birińǵaı platformasy «E-Ótinish» (suraqtar.kz) arqyly elektrondyq túrde qabyldanatyn bolady», - delingen vedomstvo málimetinde.