Koronavırýs: Elordada qudalyq jasaǵandar jaýapkershilikke tartyldy

NUR-SULTAN. QazAqparat – Elordanyń bas sanıtar dárigeriniń qaýlysyn elemeı, qalada qudalyq toıyn ótkizgender anyqtaldy. Bul týraly qalalyq Polıtsııa departamentinen málim boldy, dep habarlaıdy QazAqparat tilshisi.

Polıtsııa qyzmetkerleri kún saıyn karantındik rejımniń oryndalýyn qadaǵalaý maqsatynda mobıldik top quramynda reıdtik sharalardy júrgizedi. Osy oraıda keshe Besshalqar kóshesi boıyndaǵy kottedjderdiń birinde otbasylyq shara ótti. Uıymdastyrýshylar aldyn ala eki qabatty kottedjdi jalǵa alǵany belgili boldy.

Mobıldi top ereje talaptaryn oryndamaǵandardy toıdyń qyzǵan sátinde anyqtady. 70-ten astam qonaq toıǵa kelip, sanıtarlyq normalardy oryndamaǵan.

Ekinshi qudalyq toıynda «Bıbigúl» meıramhanasyna 40-qa tarta adam jınalǵan. Ákimshilik jaýapkershilikke tartý úshin talaptardy oryndamaǵan meımandarǵa qatysty materıaldar tıisti mekemege joldandy.

«Táýlik ishinde mobıldi top kásipkerlik 161 nysandy tekserip, karantındik rejımdi buzýdyń 6 faktisin anyqtady», - delingen Polıtsııa departamenti mádimetinde.