Koronavırýs: Elordada ınfektsııalyq statsıonarlar 58 paıyzǵa toly
NUR-SULTAN. QazAqparat – Nur-Sultan qalasy 10 naýryzdan beri epıdemologııalyq jaǵdaıdy baǵalaý matrıtsasy boıynsha «qyzyl« aımaqta tur. Bul týraly elorda ákiminiń orynbasary Baqtııar Máken úkimettik emes uıym ókilderimen ótken «dóńgelek ústelde» aıtty, dep habarlaıdy QazAqparat tilshisi.
«Qalamyz 2021 jyldyń 10 naýryzynan bastap epıdemologııalyq jaǵdaıdy baǵalaý matrıtsasy boıynsha «qyzyl» aımaqta tur. Kúnine koronavırýs ınfektsııasynyń 200-500-den astam jaǵdaıy tirkeledi. Qalanyń ınfektsııalyq statsıonarlarynda tósek-oryn júktemesi 58% quraıdy», - deıdi ákimdik ókili.
Ol sondaı-aq, koronavırýs ınfektsııasy bar naýqastardyń jaǵdaıy qala basshylyǵynyń turaqty baqylaýynda ekenin atap ótti.
«Koronavırýs ınfektsııasyn anyqtaýǵa arnalǵan testileýdi keńinen qamtý turǵyndar arasynda koronovırýspen aýyrǵandardy anyqtaýdy edáýir arttyrdy. Bul emdeýdi ýaqtyly taǵaıyndaýǵa múmkindik berýde», - dedi Baqtııar Máken.
Onyń aıtýynsha, sáýir aıynyń basynan beri elordada 100 myńnan astam adam vaktsına alyp úrgergen.
