Koronavırýs: Elordada 730 naýqas aýrýhanada jatyr
NUR-SULTAN. QazAqparat – Elordada koronavırýs juqtyrǵan 18 naýqastyń jaǵdaıy óte aýyr. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova mlim etti, dep habarlaıdy QazAqparat tilshisi.
«Sonymen qatar, dárigerge kesh qaralý, ózin-ózi emdeý jaǵdaılary naýqastardyń densaýlyǵynyń nasharlaýyna ákelip soqtyrdy. Naýqastar dereý jansaqtaý bólimine jatqyzyldy. Búginde koronavırýs ınfektsııasymen 730 naýqas aýrýhanada jatyr. Olardyń ishinde 48-iniń jaǵdaıy aýyr, sonyń arasynda 18 naýqas óte aýyr jaǵdaıda. Olardyń ókpeleri jasandy jeldetý apparatyna qosylǵan», - dedi S. Qısyqova Ortalyq kommýnıkatsııalar qyzmetinde.
Budan buryn habarlanǵandaı, elordada vırýs juqtyrǵan jalpy 2 620 adam anyqtaldy. Onyń ishinde 270-i bala. 1 829 naýqas nemese 70 paıyzy jazylyp shyqty. Ókinishke qaraı, tolyq kólemde júrgizilgen medıtsınalyq kómekke qaramastan, 14 adam qaıtys boldy.
