Koronavırýs: Elordada 5 naýqas jasandy tynys alý apparatyna qosylǵan
NUR-SULTAN. QazAqparat – Eordada koronavırýs ınfektsııasyn juqtyrǵan 5 naýqas jasandy tynys alý apparatyna qosyldy. Bul týraly Nur-Sultan qalasy ákiminiń orynbasary Baqtııar Máken málim etti, dep habarlaıdy QazAqparat tilshisi.
«Qalada koronavırýs ınfektsııasynyń 599 jaǵdaıy tirkeldi, 9 paıyz ósim bar. 332 naýqas statsıonarlarda jatyr, 214 adam emdelip shyqty, úı karantıninde 2 576 adam bar. Ókinishke qaraı, úsh adam indetten qaıtys boldy», - dedi ol Ortalyq kommýnıkatsııalar qyzmetinde.
Onyń sózine qaraǵanda, 9 sáýirden bastap jappaı ekspress testileý júrgizý bastaldy, ony 15 528 adam tapsyrdy.
«Qazirgi ýaqytta 10 naýqastyń jaǵdaıy turaqty aýyr hálde. Onyń ishinde 5 naýqas jasandy tynys alý apparatyna qosylǵan», - dedi B. Máken.
