Koronavırýs: Elorda turǵyndary jeke klınıkalarda tegin ońaltýdan óte alady
Jalpy, medıtsınalyq ońaltý úsh kezeńnen turady:
Birinshisi aýrýy asqynyp turǵan naýqastarǵa, hırýrgııalyq operatsııa jasatqan, jaraqat alǵan adamdarǵa arnalǵan. Ol statsıonarlardyń qurylymdyq bólimshelerinde júrgiziledi.
Eger patsıentti aýrýhanaǵa jatqyzý qajet bolmasa, medıtsınalyq kómek kórsetilgennen keıin jáne negizgi aýrý emdelip bolǵannan keıin patsıent ońaltýdyń ekinshi nemese úshinshi kezeńine jiberiledi.
Ońaltýdyń ekinshi kezeńi mamandandyrylǵan bólimshelerde nemese respýblıkalyq densaýlyq saqtaý uıymdary, mamandandyrylǵan ońaltý ortalyqtary men kópbeıindi statsıonarlar bazasynda ótedi.
Bul kezeń aýrý bastalǵan sátten bastap toǵyz aı ishinde júrgizilýi qajet. Kýrstyń uzaqtyǵy men jıiligi nozologııaǵa, naýqasty densaýlyq jaǵdaıyna, taǵy da basqa faktorlarǵa baılanysty.
Úshinshi kezeńde medıtsınalyq ońaltý emhana-ambýlatorııa deńgeıinde, kúndizgi jáne táýlik boıǵy statsıonarlarda, ońaltý ortalyqtarynda, shıpajaılar men kýrorttarda, úıdegi statsıonar jaǵdaıynda, sondaı-aq qashyqtyqtan júrgiziledi.
Kýrstyń jıiligi men uzaqtyǵy patsıenttiń densaýlyǵyna qaraı belgilenedi.
«Áleýmettik medıtsınalyq saqtandyrý qorynyń Nur-Sultan qalasy boıynsha fılıaly 2021 jyly ońaltý qyzmetterin kórsetetin 45 medıtsına uıymymen kelisimshart jasaǵan. Olardyń ishinde: jekemenshik – 20, memlekettik – 22, respýblıkalyq – 3 medıtsına uıymy bar. Jyl basynan beri elordada 3,23 mlrd teńgeden asa somaǵa (onyń ishinde kúndizgi statsıonarlarda – 35 584, táýliktik statsıonarlarda – 131 924) ońaltý qyzmetteri kórsetildi. Ambýlatorııalyq-emhanalyq deńgeıde 204 mln teńge somasyna 252 001 qyzmet kórsetildi» - dep atap ótti Áleýmettik medıtsınalyq saqtandyrý qorynyń Nur-Sultan qalasy boıynsha fılıalynyń dırektory Nurlybek Qabdyqaparov.
Koronavırýs pandemııasy ońaltýdyń qanshalyqty mańyzdy ekendigin jáne bul bastama qanshalyqty ýaqytyly júzege asyrylǵanyn kórsetti.
Áleýmettik medıtsınalyq saqtandyrý qory halyq úshin ońaltýdyń qoljetimdiligin arttyrý boıynsha belsendi jumystardy jalǵastyrýda.
Atap óteıik, jyl ótken saıyn turǵyn halyqqa medıtsınalyq qyzmet kórsetetin jekemenshik qyzmet jetkizýshiler úlesi artýda. Bul patsıenttiń ozyq klınıkany tańdaýyna múmkindik beredi.
Mysaly, Nur-Sultan qalasy boıynsha jekemenshik medıtsınalyq qyzmet jetkizýshilerdiń biri – «Adal nıet Astana» jekemenshik qaıyrymdylyq qory janyndaǵy medıtsınalyq ońaltý ortalyǵynda kúndizgi statsıonardyń 2 kezeńi boıynsha kovıdtan keıin medıtsınalyq ońaltýdan ótýge bolady. Qazirgi ýaqytta atalǵan klınıkada MÁMS aıasynda 171 patsıent aqysyz medıtsınalyq ońaltýdan ótti.
«Áleýmettik medıtsınalyq saqtandyrý qory ońaltý sharalaryna kóp kóńil bóledi. Qazir biz ońaltý jumystaryn damytýǵa kúsh salýdamyz. Dáriger naýqasty qaraǵannan keıin qajetitiligine qaraı ońaltýǵa joldama beredi. Em kýrsy – 5-6 kún.
Emge:
• Massaj (barlyq túri)
• EFK (onyń ishinde, tynys alý gımnastıkasy, tsıgýn)
• Fızıoemdeý
• Tuz shahtasy, kıslorodty kokteıl,
• Basseın, fıtobochka
• Bınaýraldy terapııa
• Psıhıkalyq túzetý jáne psıhologııalyq em-sharalar kiredi», - dep túsindiredi «Adal nıet Astana» jekemenshik qaıyrymdylyq qorynyń jetekshisi B.Beısenbaeva.
Koronavırýs ınfektsııasy kovıdten keıingi túrli asqynýlarmen aýyrǵandar úshin qaýipti. Kovıdten aıyǵyp shyqqan naýqastardyń basym kópshiligi, demikpemen qosa, júrek, býyn aýrýlarynyń belgisi mazalaıdy. Sondyqtan naýqas koronovırýspen aýrýhanaǵa túsken kezde em-sharamen birge dáriger reabılıtologtyń da keńesin alady. Maman óziniń qosymsha emdeýin taǵaıyndaıdy. Ol tegin medıtsınalyq kómektiń kepilendirilgen kólemi aıasynda kórsetiledi. Al ekinshi jáne úshinshi ońaltý kezeńin patsıent Mindetti áleýmettik medıtsınalyq saqtandyrý aıasynda alady.
Lıýdmıla Alekseevna Iost pnevmonııa belgilerimen Covid-19-pen aýyrǵan, ókpeniń 50%-y zaqymdanǵan, N.Batpenov atyndaǵy Ulttyq Ǵylymı Travmatologııa jáne Ortopedııa ortalyǵynyń ınfektsııa bólimshesinde emdelgen. Keıin ózin-ózi oqshaýlaý tásilimen úıge aýystyrylady. 61 jasynda vırýsty ınfektsııanyń barlyq sımptomdary aýyr ótedi.
«Aýrýhanadan shyǵyp, úıge kelgenmen báribir ózimdi álsiz sezindim, «budan ári qalaı ómir súremin» dep qoryqtym-úreılendim, dem jetpeıdi, aıaǵymdy basa almaı, qozǵalýym qıyn boldy. Este saqtaý qabiletim nasharlap, tez sharshaımyn. Sodan № 13 emhana «Adal Nıet Astana» ortalyǵyna ońaltýǵa joldamamen jiberdi. Basynda alańdadym, keıin jalǵyz emes ekenimdi bildim. Maıer N., Shıpılova A., Rıts L. sekildi basqa naýqastarmen birge tuzdy shahtada bolyp, jaǵymdy áýen tyńdap, em aldyq, kısloroddy kokteıl ishtik, fızıoemsharalar, massaj aldyq, tsıgýn – tynys alý jáne spırotaıger dáris-sabaqtaryna birge bardyq , dáriger-reabılıtologtar meniń jasymda qalaı júrip, búkil denege qalaı jattyǵý jasaý keregin úıretti (qazir sol úırengenderimniń bárin úıde ózim jasaımyn). Psıhologtar boıdaǵy úreı men qorqynyshty, alańdaýshylyqty qalaı shyǵaryp tastaý keregin kórsetti. Qazir ózimdi jaqsy sezinemin, qalypty ómirge oraldym. Qalada osyndaı ońaltý ortalyǵy baryna, naýqastarǵa erekshe kóńil bólgen ondaǵy dárigerler men meıirbıkelerge rahmet» dep alǵysyn bildirgen Lıýdmıla Alekssevna óz aýrý tarıhyn aıtyp berdi.
«Medıtsınalyq saqtandyrý qorynyń negizgi basymdyqtarynyń biri – patsıent quqyǵyn qorǵaý. Osyǵan oraı keri baılanys quraldary arqyly túsetin shaǵym-ótinishter erekshe baqylaýda bolady. Sondaı-aq, qor tarapynan medıtsına qyzmetkerleri úshin oqytý onlaın semınarlaryn ótkizý, olardyń bilimin baqylaý arqyly halyqqa qyzmet kórsetý boıynsha jumysty arttyrýǵa jetkizýshilermen ózara is-qımyl jáne yntalandyrý boıynsha júıeli sharalar jalǵasýda. Medıtsınalyq uıymdar Patsıentterdi qoldaý qyzmetiniń jumysyn jolǵa qoıyp, tirkelgen turǵyndardyń muqtajdyqtaryna-suranystaryna jaýapkershilikpen qaraýy qajet», - dep atap ótti ÁMSQ elorda fılıalynyń dırektory Nurlybek Qabdyqaparov.
Eger emdelýshige medıtsınalyq kómek berýden bas tartsa nemese ońaltý erejelerine qatysty suraqtar týyndasa, 1406 baılanys ortalyǵyna habarlasýǵa nemese «Qoldau - 24/7» mobıldik qosymshasy arqyly ótinish qaldyrýǵa bolady.
