Koronavırýs: Elorda halqynyń 22,4 paıyzynda ǵana ımmýnıtet qalyptasqan

NUR-SULTAN. QazAqparat – Nur-Sultan qalasynyń bas sanıtar dárigeri Sarhat Beısenova elordadaǵy vaktsınatsııa jumystary týraly aıtyp berdi, dep habarlaıdy QazAqparat.

«Búgingi tańda elorda halqynyń tek 22,4%-ynda ǵana ımmýnıtet qalyptasqan dep aıtýǵa bolady (vaktsınatsııa esebinen 15,8%, 6,6% COVID-19-ben aýyryp shyqqandar). Sońǵy kúnderi qalada vaktsınatsııa qarqyny artyp, táýligine ortasha eseppen 5000-8000 adamǵa deıin egiledi», - dedi spıker Nur-Sultan qalasynyń ákimdigindegi brıfıngte.

Onyń aıtýynsha, jappaı vaktsınatsııa júrgizý nátıjesinde mamyr aıynda aýrý kórsetkishi sáýirmen salystyrǵanda 31%-ǵa, maýsym aıynda mamyr aıymen salystyrǵanda tómendegen.

«Syrqattanýdyń qazirgi deńgeıi 10%-ǵa tómendegenine qaramastan, mamyr aıynda onyń qarqyndy kórsetkishi - 991,8, al maýsymda - 857,3 qurady. Bul vaktsınalaýdyń aýrýdy tómendetýdiń negizgi sheshimi ekenin taǵy da dáleldeıdi, bul keıinnen qaladaǵy shekteý is-sharalaryn jeńildetýge ákeledi», - deıdi S. Beısenova.