Koronavırýs: Elimizde dárilik zattardyń 2 aılyq qory bar
NUR-SULTAN. QazAqparat - Koronavırýsty emdeýge arnalǵan dárilik zattardyń 38 pozıtsııasy boıynsha preparattardyń 2 aılyq qory bar. Bul týraly halyq aldynda esep berý kezdesýinde QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Dárimen qamtamasyz etýde irkilisterdi boldyrmaý úshin biryńǵaı dıstrıbıýtordyń qoımalarynda Sovid-19-dy emdeýge arnalǵan dárilik zattardyń 38 pozıtsııasy boıynsha 6 mlrd teńgeden astam somaǵa preparattardyń 2 aılyq qory aıyna 60 myń patsıentti qamtý úshin qalyptastyryldy», - dedi mınıstr Ortalyq kommýnıkatsııalar qyzmetinde.
Onyń aıtýynsha, qazirgi ýaqytta zerthanalyq PTR-testileýdiń qýaty táýligine 123 myńǵa deıin jetkizildi.
«Qalalarda ýaqytyly medıtsınalyq kómek kórsetý úshin 16 modýldik ınfektsııalyq aýrýhanasy salyndy. 36 myńǵa jýyq tósek-oryn ottegimen qamtamasyz etilgen. Medıtsınalyq uıymdardyń ókpeni jasandy jeldetý apparattaryna qajettiligi tolyq qamtamasyz etildi», - dedi A. Tsoı.
Budan buryn habarlanǵandaı, Alekseı Tsoı aýrýhanalarda ınfektsııalyq oryndardyń júktemesi týraly túsinik berdi.
