Koronavırýs: Ekpe alǵan jasóspirimderge vaktsına pasporty berile me

NUR-SULTAN. QazAqparat – Búginde elimizde 12 jastan asqan jasóspirimder Pfizer vaktsınasyn alyp jatyr. Osy oraıda espe alǵan balalardyń mártebesi Ashyq júıesi arqyly kórsetile me? Úkimet úıinde tilshilerdiń bul suraǵyna elimizdiń Densaýlyq saqtaý mınıstri Alekseı Tsoı jaýap berdi, dep habarlaıdy QazAqparat tilshisi.

«Qazirgi ýaqytta koronavırýsqa qarsy ekpe alǵan balalarǵa vaktsınatsııa pasportyn berý máselesi qaralyp jatqan joq. Degenmen ekpe alyp jatqan jasóspirimder tirkelip jatyr. Iá, balalarǵa arnalǵan vaktsınatsııa pasporty týraly surap jatqan azamattar bar. Koronavırýsqa qarsy vaktsına balalarǵa kishkentaı kezinde salynatyn egý sekildi, ár balanyń egý pasporty bar. Sondyqtan vaktsına alǵany týraly bólek pasport berýdiń qajeti shamaly. Al Ashyq júıesine kelsek, ol tek úlken adamdarǵa qatysty», - dedi A. Tsoı.

Buǵan deıin mınıstr Qazaqstanda «Spýtnık Laıt» reseılik vaktsınasyn óndirý múmkindigi týraly aıtty.

Sondaı-aq, vedomstvo basshysy «elimizde jańajyldyq korporatıv ótkizýge ruqsat bar ma?» degen saýalǵa jaýap bergen edi.

Odan bólek, Alektseı Tsoı Pfizer vaktsınasyn alyp jatqan júkti áıelder, emizýli analar men jasóspirimderdiń jaǵdaıy týraly aıtty.