Koronavırýs: eGov.kz portalyndaǵy karta ne úshin jasalǵany túsindirildi
Aıta keteıik, 22 naýryzda eGov.kz elektrondyq úkimet portalynda elimizde koronavırýstyń taralýyn, onyń ishinde halyq úshin qaýipti aımaqtardy kórsetetin karta paıda bolǵan edi. Oljas Ábishev bul kartanyń ne úshin jasalǵanyn aıtty.
«Biz osy kartany Ulttyq aqparattyq tehnologııalar ortalyǵymen jáne Tsıfrlyq damý, ınnovatsııalar jáne aeroǵarysh ónerkásibi mınıstrligimen birlese otyryp iske qostyq. Joba aldynda álemniń Qytaı, Sıngapýr, Koreıa sekildi elderiniń tájirıbesin zerttedik. Ol elder koronavırýstyń taralýyn tolyǵymen toqtatyp, jaǵdaıdy baqylaýda ustap otyr. Onyń birinshi sebebi – atalǵan memleketter azamattardyń uıaly telefondary arqyly qaı jerde ornalasqanyn elektrondy túrde baqylaý arqyly qol jetkizdi. Halyqtyń qaýipsizdigi úshin biz osy tájirıbeni elge engizdik. Sebebi koronavırýs adamnan adamǵa ǵana emes, ustaǵan telefony, esiktiń tutqasy nemese lıfttiń batyrmasy arqyly taraı beredi. Aǵash nemese tsement bolsyn – 24 saǵatqa deıin sol jerde qala beredi», - dedi Oljas Ábishev Densaýlyq saqtaý mınıstrliginiń Facebook-paraqshasynda shyqqan suhbatynda.
ıAǵnı sol kartada kórsetilgen úıge barsańyz baıqaýyńyz kerek. Densaýlyq saqtaý mınıstrligi azamattarǵa osylaısha aldyn ala habarlap, kartadaǵy úıge baratyn bolsa, abaılaý kerektigin eskertedi.
«Karta ár saǵat saıyn jańaryp turady. Bul kartany jasaýǵa 45 adam jumyldyryldy. Al eger karantınde bolǵan adam 14 kúnnen keıin karantınnen shyqsa kartadaǵy núkte avtomatty túrde joıylyp ketedi», - dedi ol.