Koronavırýs egde jastaǵy adamdardyń 30%-da aýyr ótedi – reseılik sarapshy

MÁSKEÝ. TASS – QazAqparat – Egde jastaǵy adamdarda koronavırýs shamamen 30% jaǵdaıda aýyr ótedi, eresek adamdardyń 10%-y tynys alý apparatyna qosylady. Bul týraly N.I. Pırogov atyndaǵy RNIMÝ Reseı gerontologııalyq ǵylymı-klınıkalyq ortalyǵynyń dırektory, RF Densaýlyq saqtaý mınıstrliginiń shtattan tys bas gerıatry Olga Tkacheva aıtty, dep habarlaıdy QazAqparat TASS-qa silteme jasap.

Sarapshy pandemııaǵa baılanysty oqshaýlanýǵa májbúr bolǵan qart adamdardyń psıhıkalyq jaǵdaıyna da nazar aýdardy.

Olarda áleýmettik baılanystardyń sany azaıyp, fızıkalyq jáne tanymdyq belsendiligi tómendedi. Munyń bári qartaıý protsesin jedeldetedi», – dedi Tkacheva.

Onyń aıtýynsha, ssyǵan baılanysty egde jastaǵy adamdarda bulshyqet massasy joǵalyp, kúshi tómendeıdi (sarkopenııa damıdy), qulap qalý qaýpi artady, osteoporoz, depressııa damıdy, este saqtaý qabileti zardap shegedi.

«Bul sındromdy túzetý úshin arnaıy fızıkalyq belsendilik pen tamaqtaný qoldanylady, aqýyz mólsheri artady. Jastarǵa biz dene salmaǵynyń 1 kg úshin 0,8 g aqýyzdy, al COVID-19-ben aýyratyn qart adamdarǵa dene salmaǵynyń 1 kg úshin 1,2 - den 1,5 g-ǵa deıin usynamyz», – dedi ol.

Sondaı-aq, ol oqshaýlanýda bolǵan qart adamdarǵa ońaltý baǵdarlamalaryn ótý qajettigin eskertti.

«Biz egde jastaǵy patsıentterdiń durys tamaqtanbaýy – malnýtrıtsııa sındromyna nazar aýdardyq. Bul jaǵdaıdy odan saıyn ýshyqtyrady. Mysaly, tez qalypqa kelý úshin aqýyzdyń kóp mólsheri qajet, onda kalorııa mólsheri óte joǵary», dep tolyqtyrdy sarapshy.