Koronavırýs: Dezınfektsııalaý jumystaryna zamanaýı preparattar qoldanylýda
NUR-SULTAN. QazAqparat – Dezınfektsııa adamdar men janýarlarǵa zııanyn tıgizbeıdi. Bul týraly Habar24 arnasynda ótken onlaın brıfıngte Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.
«Almaty qalasy boıynsha dezınfektsııa ortalyǵy zamanaýı preparattardy qoldanýda. Olar óte qaýipti emes: adamdar men janýarlardyń densaýlyǵyna zııan keltirmeýi kerek. Eritindi nusqaýlyq boıynsha daıyndalady jáne tek ruqsat etilgen preparattar ǵana qoldanylady. «Úıden 5 saǵat boıy shyǵýǵa bolmaıdy» degen eskertý – qaýiptiń aldyn alý boıynsha mindetti túrde oryndalýy kerek shara. Ol týraly da nusqaýlyqta jazylǵan», - deıdi Dáýren Abaev.
