Koronavırýs: Dárigerler Qytaıdan kelgen azamattardyń jartysymen habarlasty
«Mundaǵy áńgime qyzýy kóterilgen barlyq turǵyndar emes, 6 qańtardan keıin QHR aýmaǵynan kelgender týraly bolyp otyr. 6 qańtardan búgin tańǵy 7:00-ge deıin QHR men Qazaqstannyń memlekettik shekarasyndaǵy ótkizý beketterinen 12 610 adam ótti. Onyń arasynda 12 365 adam - Qazaqstan azamattary, 245 - sheteldikter. Qazaqstannyń barlyq óńirlerindegi medıtsınalyq mamandar osy jolaýshylardyń 51% (6 449 adam) habarlasyp, jaǵdaıyn surady. Olarǵa habarlasyp, esepke qoıýdy jalǵastyramyz», - dedi J. Bekshın Ortalyq kommýnıkatsııalar qyzmetinde ótken brıfıngte.
Ázirge 35 adam jeke bokstarǵa oqshaýlandyryldy. Onyń 22-sine - JRVI, 4 - tumaý jáne bireýine - tumaý men paragrıpp dıagnozdary qoıyldy.
«Osylaısha, 27 adam maýsymdyq aýrýmen aýyryp jatyr. Aýrýhanaǵa túsken taǵy 8 adamnan synama alyp, Almatydaǵy Áıtimbaev atyndaǵy asa qaýipti ınfektsııalar ulttyq ǵylymı ortalyǵyna jiberdik. Bul ortalyq jańa koronavırýsty dıagnostıkalaıtyn Polımerazdy tizbekti reaktsııa ádistemesin meńgergen. Qazaqstanda koronavırýs ınfektsııasyn boldyrmaýdyń bar resýrsy jetkilikti. Dúnıejúzilik densaýlyq saqtaý uıymymen jáne Reseımen ózara kásibı kómek jóninde ýaǵdalastyq», - dedi bas sanıtar dáriger.