Koronavırýs: Danııada 2,5 mıllıon qundyz joıylmaq
KOPENGAGEN. QazAqparat – Danııanyń veterınarııa qyzmet mamandary qundyzdardy jappaı joıýǵa kiristi. Olardyń aıtýynsha, qundyzdan koronavırýs belgileri tabylǵan, dep habarlaıdy QazAqparat euronews-ke silteme jasap.
Munda eki jarym mıllıon janýar týraly sóz bolyp otyr. Infektsııa kem degende 63 ań terisin óndiretin fermalardan tabylǵan. Tek sondaǵy janýarlar ǵana emes, «qyzyl» aımaqtan segiz shaqyrym radıýsta ustalǵan qundyzdar da joıylady.
«Bizdiń ótemaqy alýymyz kerek», - deıdi kúzen ósirýshi Frederıksen.
Sarapshylar janýarlardyń koronavırýsty qalaı juqtyrǵanyn jáne bul shtamm adamǵa berile me, sony zerttep jatyr. Infektsııa maýsymdyq qyzmetkerlerdi jaldaý kezinde fermalarǵa enýi múmkin degen boljam aıtyldy.
Aıta ketsek, Danııa – qymbat baǵaly ań terisin álemdegi eń iri eksporttaýshylardyń biri.
