Koronavırýs: Danıal Ahmetov Qytaımen shekaralas aýyl turǵyndaryn sabyrǵa shaqyrdy

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov Qytaımen shekaralas aýyl turǵyndaryn koronavırýstan úreılenbeýge shaqyrdy, dep habarlaıdy QazAqparat.

Búgin aımaq basshysy Danıal Ahmetovtyń halyq aldynda esep berý kezdesýinde Zaısan aýdanynyń turǵyny Baqyt Syrbaeva shekaradaǵy eldi meken jurtshylyǵy Qytaıda taraǵan juqpaly vırýstan qorqyp otyrǵanyn jetkizdi. Ákim qazirgi ýaqytta jaǵdaıdyń qatań baqylaýda ekenin aıtyp, halyqty sabyrǵa shaqyrdy.

«Óńirimizde koronavırýstyń taralýyna jol bermeý úshin jedel shtab qurylǵan. Qazaqstanda ınfektsııa juqtyrǵan eshkim joq. 17 aqpannan bastap Qytaıdan kelgen árbir azamat 2 aptaǵa observatsııalyq baqylaýǵa jatqyzylady. Oblystyń medıtsınalyq mekemelerinde koronavırýsqa qarsy preparattar qory jetkilikti. Sondyqtan barshańyzdy úreılenbeýge shaqyramyn. Jaǵdaı baqylaýda», - dedi Danıal Kenjetaıuly