Koronavırýs búırek jumysyn buzady: Fakt elordada tirkeldi
NUR-SULTAN. QazAqparat – Nur-Sultan qalasynda koronavırýs ınfektsııasyn juqtyrǵan patsıentterdiń búıreginiń zaqymdalǵany anyqtaldy. Bul jaıly tolyǵyraq qalalyq densaýlyq saqtaý basqarmasynyń basshysy Sáýle Qısyqova aıtyp berdi, dep habarlaıdy QazAqparat tilshisi.
«Koronavırýs ınfektsııasy údetetin aýrýdyń biri – búırektiń qatty zaqymdanýy. Nur-Sultan qalasynda mundaı jaǵdaı tirkeldi. Ondaıda salalyq mamandardyń tartylýymen konsılıým ótkizilip, dıagnostıka men emdeýdiń joǵary tehnologııaly amal-ádisteri qoldanylady.
Qaýipti jaǵdaılarda jasalatyn osyndaı amal-ádister kóbinese oń áser beredi.
Búırektiń zaqymdaný jaǵdaıy Qazaqstanda, bizdiń Nur-Sultanda da, álem elderinde de bar», - dedi Sáýle Qısyqova OKQ-da ótken baspasóz máslıhatynda.
Aıta ketsek buǵan deıin elordanyń densaýlyq saqtaý basqarmasynyń basshysy Sáýle Qısyqova qaladaǵy epıdemıologııalyq jaǵdaı týraly aıtqan bolatyn.
Sondaı-aq ol astanada qandaı jaǵdaıda karantın tártibi qaıta engizilýi múmkin ekenin aıtyp berdi.
