Koronavırýs: «Brıtandyq shtamm» taǵy da mýtatsııaǵa ushyrady

LONDON. QazAqparat - Brıtan ǵalymdary Ulybrıtanııada anyqtalǵan koronavırýstyń «brıtandyq shtamy» jańa genetıkalyq ózgeristerge ushyraıdy dep alańdaýly. Bul týraly QazAqparat VVS saıtyna silteme jasap habarlaıdy.

Ǵalymdardyń aıtýynsha, birqatar patsıentterdiń jaqynda júrgizilgen taldaýlary «ońtústikafrıkalyq» jáne «brazılııalyq» shtamdarda kezdesetin taǵy bir mýtatsııa – E484K belgilerin kórsetti.

Bul mýtatsııa qoldanystaǵy vaktsınalardy tıimsiz etýi múmkin, biraq ázirge ımmýnızatsııa josparlanǵan túrde júrgizilýi kerek deıdi mamandar.

Ulybrıtanııada úıdi-úıge Covid-19 test jıyntyqtaryn taratý naýqany bastaldy

Ulybrıtanııa bıligi qazirdiń ózinde birqatar sharalar qabyldady, atap aıtqanda, Covid-19 jappaı testileý naýqany bastaldy. Shara barysynda arnaıy brıgadalar vırýstyń sońǵy nusqalary anyqtalǵan aýdandardaǵy úılerdi aralap, adamnyń aýrý belgileri bar-joǵyna qaramastan synaqtar júrgizedi. Birinshi kezeńde eldiń segiz aýdanynda 80 myń adamdy synaqtan ótkizý josparlanýda.

Brıtan bıliginiń aıtýynsha, bul qadam jańa, asa juqpaly sanalatyn ońtústikafrıkalyq shtammnyń taralýyn baqylaýǵa kómektesedi.

Eske salsaq, koronavırýs mýtatsııalana bastaǵany týraly jáne jańa vırýsqa 20A.EU1 degen ataý berilgeni týraly habarladyq. Al qazaqstandyq belgili ǵalym Almaz Sharman k oronavırýs bir aıda keminde eki ret mýtatsııaǵa ushyraıtyndyǵyn aıtty.

Jylpy koronavırýstyń brıtandyq shtamy álemniń kóptegen elderinde anyqtaldy. Ol jaıly ne bilýimiz kerek. Qazaqstannyń bas sanıtarlyq dárigeriniń aıtýynsha, brıtandyq koronavırýs shtamy bizdiń elde tirkelgen joq.