Koronavırýs: Brazılııanyń densaýlyq saqtaý mınıstri qyzmetinen bosatyldy
RIO-DE-JANEIRO. AGENCIA BRASIL - QazAqparat – Sońǵy táýlikte Brazılııada COVID-19 indetin juqtyrǵan adamdar sany jańa rekord ornatty. Táýlik ishinde vırýsty 3058 adam juqtyryp, 204 adam kóz jumǵan. Bul týraly Agencia Brasil agenttigine silteme jasap QazAqparat habarlaıdy.
Osyǵan baılanysty Brazılııa prezıdenti Jaır Bolsonarý densaýlyq saqtaý mınıstri Lýıs Enrıke Mandettany qyzmetinen bosatty. Mınıstr Mandetta otstavkaǵa ketkeni týraly aqparatty Twitter-degi óz akkaýntynda rastady.
Brazılııanyń jańa densaýlyq saqtaý mınıstri bolyp onkolog dáriger Nelson Lýıs Shperle Taısh taǵaıyndaldy.
Resmı málimetterge sáıkes, elde koronavırýs juqtyrǵandar sany 28 320 adamǵa jetken. Іndetke shaldyǵý oqıǵalarynyń sany seısenbi kúnmen (12 sáýir) salystyrǵanda 12 paıyzǵa ósti.
Vırýstan eń kóp qaıtys bolǵandar sany San-Paýlý qalasynda tirkelgen (778). Bul, Rıo-de-Janeıroǵa (265) qaraǵanda úsh ese kóp bolyp otyr. Odan keıin tizimde Pernambýký (143), Seara (116) jáne Amazonas (106) shtattary tur. Elde ólim deńgeıi 6,1 paıyz deńgeıinde (1 736 oqıǵa) saqtalyp otyr.
