Koronavırýs boıynsha saýalnama alý kezinde foto-beıne túsirilim júrgizýge tyıym salynady
Qaýlyǵa sáıkes, QR SІM shaqyrýymen Qazaqstanǵa keletin shet memleketterdiń jáne halyqaralyq uıymdardyń resmı delegatsııa músheleri, QR-da akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıym ókildikteriniń qyzmetkerleri jáne olardyń otbasy músheleri, áýe kompanııalardyń ushqyshtary jáne lokomotıv brıgadalarynyń músheleri, temirjol kóligindegi tasymaldaý qyzmetimen baılanysty adamdar, júkterdi halyqaralyq avtomobılmen tasymaldaýdy júzege asyratyn júrgizýshiler, sondaı-aq EAEO elderinen jáne Ózbekstannan Qazaqstan arqyly temirjol kóliginde jáne avtoótpe joldarynda ótkizý pýnktteri arqyly kelgen adamdardy qospaǵanda Qazaqstanǵa shetelden keletin barlyq adamdar COVID-19-ǵa zerthanalyq tekserý júrgizý úshin karantındik statsıonarda 2 táýlikke oqshaýlanady.
«COVID-19 aýrýyn joqqa shyǵarmaıtyn belgileri bar adamdar karantındik statsıonarǵa emes, provızorlyq statsıonarǵa jatqyzylady. COVID-19-ǵa zerthanalyq tekserý nátıjelerin alǵannan keıin oń nátıjeli adamdar emdeý úshin ınfektsııalyq statsıonarǵa aýystyrylady. COVID – 19-ǵa teris nátıjeli adamdar 12 táýlik boıy úı karantıninde oqshaýlanady. Úıde oqshaýlaýǵa jaǵdaı bolmaǵan kezde jergilikti atqarýshy organdar aıqyndaǵan úı-jaılarda oqshaýlaý usynylady», - delingen qaýlyda.
Sonymen qatar Qazaqstanǵa shetelden kelgen dıplomatııalyq ókildikterdiń, konsýldyq mekemeler men halyqaralyq uıym ókildikteriniń qyzmetkerleri jáne olardyń otbasy músheleri COVID-19-ǵa zerthanalyq tekserýge jáne 14 táýlik boıy úıde ózin-ózi oqshaýlaýǵa (úı karantıni) jatady.
«Shetelden kelgen áýe kompanııalardyń ushqyshtary men lokomotıv brıgadalarynyń músheleri, temirjol kóliginde tasymaldaý qyzmetimen baılanysty adamdar jáne júkterdi halyqaralyq avtomobılmen tasymaldaýdy júzege asyratyn júrgizýshiler qońyraý shalý arqyly (múmkindiginshe vıdeo qońyraý shalý) turǵylyqty (kelgen) jeri boıynsha medıtsınalyq baqylaýǵa jatady. EAEO elderinen jáne Ózbekstan Respýblıkasynan Qazaqstan Respýblıkasynyń memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly kelgen adamdar 14 táýlik boıy úıde (úı karantıni) oqshaýlanady», - delingen qaýlyda.
Qaýlyǵa sáıkes densaýlyq saqtaý uıymdarynda, jergilikti atqarýshy organdar karantın úshin aıqyndaǵan úı-jaılarda, sondaı-aq medıtsına qyzmetkerleri úıde medıtsınalyq kómek kórsetý, oshaqta epıdemıologııalyq tergep-tekserý júrgizý, naýqastardan jáne baılanysta bolǵan adamdardan suraý jáne saýalnama alý kezinde aýdıo, foto jáne beıne túsirilim júrgizýge tyıym salyndy.
Bas memlekettik sanıtarııalyq dárigerdiń jańa qaýlysynyń tolyq mátinin myna siltemeden oqýǵa bolady.