Koronavırýs boıynsha ahýal nashar: Máskeýdegi QR Konsýldyǵy qabyldaýdy toqtatty
«Qurmetti azamattar! Máskeý qalasynda COVID-19 koronavırýs ınfektsııasynyń taralýyna qatysty jaǵdaıdyń nasharlaýyna baılanysty jáne barlyq kelýshilerdiń densaýlyǵy úshin qaýipsizdikti qamtamasyz etý maqsatynda 2021 jylǵy 24 maýsym men 8 shilde aralyǵynda Máskeýdegi Qazaqstan Respýblıkasy Elshiliginiń Konsýldyq bólimi barlyq konsýldyq jáne memlekettik qyzmetter boıynsha azamattardy jeke qabyldaýdy ýaqytsha toqtatady.
Shuǵyl máseleler boıynsha 8-925-897-71-17 «jedel jeli» telefonyna qońyraý shalýdy suraımyz.
Qalǵan suraqtar boıynsha consul.moscow@mfa.kz elektrondyq poshta arqyly habarlasýǵa bolady», - delingen Elshiliktiń Telegram-kanalynda.
Málim etilgendeı, 24 maýsym - 8 shilde aralyǵyna qabyldaýǵa jazylǵan azamattar keıingi kúnderi kezek tártibimen qabyldanady.
«Kelýshilerdi qabyldaýdy qaıta bastaý týraly RF-daǵy QR Elshiliginiń ınternet-resýrstary arqyly qosymsha habarlanatyn bolady», - dep naqtylady vedomstvodan.
