Koronavırýs: BQO-da juqpaly aýrýlar aýrýhanalarynda 155 naýqas emdelýde

ORAL. QazAqparat – Batys Qazaqstan oblysynda juqpaly aýrýlar aýrýhanalarynda 155 naýqas emdelýde, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmeti málim etkenindeı, óńirde 359 tósektik 7 juqpaly aýrýlar statsıonary bar.

Sondaı-aq 185 tósektik 4 karantındik statsıonarda kúni búgin 44 adam em alýda.

Jansaqtaý bóliminde 15 adam jatyr.

Oblysta rezerv retinde 2028 tósek (1253-i juqpaly aýrýlar, 775-i karantındik statsıonarda) ázirlengen.

Sol sekildi pnevmonııaǵa shaldyqqan 132 adam statsıonarda, 48-i ambýlatorlyq em alýda.

Kúni búgin ınvazıvti emes jasandy tynys alý apparatyna 4, jasandy tynys alý apparatyna 2, ottegi kontsentratoryna 4, ortalyqtandyrylǵan ottegi kózine 29 adam qosylǵan.

Qyrkúıek aıynan beri oblysta 169 balanyń koronavırýspen aýyrǵany tirkeldi. Qyrkúıek aıynda – 4, qazanda – 5, qarashada – 102, jeltoqsanda 44 bala syrqattandy. 14 balabaqsha tárbıelenýshisiniń 12-si qarashada, ekeýi jeltoqsanda dertke shaldyqqan. Balalardyń barlyǵy otbasy múshelerinen juqtyrǵan.

Oblystyq sanıtarlyq-epıdemıologııalyq baqylaý departamentinen túsken málimetke qaraǵanda, 1 jeltoqsannan beri óńirde 669 adamnan kovıd anyqtaldy.

Oblysta koronavırýs juqtyrǵan barlyq adamnyń 56,2 paıyzy (4912) Oral qalasynyń úlesine tıedi.

Eske sala keteıik, budan buryn Batys Qazaqstanda 16 adamnyń jansaqtaý bóliminde jatqanyn jazǵan bolatynbyz.