Koronavırýs: BQO-da sońǵy eki naýqas ta Reseıden kelgen bolyp shyqty
ORAL. QazAqparat – Batys Qazaqstan oblysynda koronavırýs juqtyrǵan sońǵy eki naýqas ta Reseıden kelgen bolyp shyqty, dep habarlaıdy QazAqparat tilshisi.
Óńirdiń shuǵyl shtaby málim etkenindeı, olardyń biri – BQO-nyń 22 jastaǵy, ekinshisi – Aqtóbe oblysynyń 23 jastaǵy turǵyny.
Bulardyń ekeýi de Reseıde vahtalyq ádispen jumys isteıtin, buryn koronavırýs anyqtalǵan azamatpen birge kelgen.
Karantındik statsıonarǵa jatqyzylǵannan keıin zerthanalyq synama alynyp, koronavırýsqa shaldyqqany belgili boldy.
Qazirgi kezde oblystyq juqpaly aýrýlar aýrýhanasynda jatqan eki naýqastyń da jaǵdaıy qanaǵattanarlyq.
Aýrý oshaqtarynda dezınfektsııalyq jumystar júrgizildi.
Osylaısha BQO-da aýyrǵandar sany 32-ge jetip, sonyń ekeýi jazylyp shyqty.
Kúni búgin óńirde provızorlyq statsıonarda 148, karantındik statsıonarda 81 adam jatsa, 1396 adam úılerinde oqshaýlanǵan.
Eske sala keteıik, budan buryn BQO-da sońǵy tirkelgen tórt naýqastyń Reseıden kelgenin jazǵan bolatynbyz.
