Koronavırýs: BQO-da shet elderden kelgen 74 adam karantınde jatyr
ORAL. QazAqparat – Batys Qazaqstan oblysynda koronavırýs boıynsha qolaısyz shet elderden kelgen 74 adam karantınde jatyr, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń málim etkenindeı, barlyǵy 265 adam baqylaýǵa alynǵan.
Sonyń ishinde 191-i úıden baqylanýda.
Keshe Germanııadaǵy Frankfýrttan Oralǵa qazaqstandyq 8 azamat ushyp keldi. Olardyń barlyǵy «Ivýshka» ońaltý ortalyǵyna 14 kúnge jatqyzyldy.
Jalpy, 100 oryndyq «Ivýshka» ortalyǵynan basqa Terekti aýdany Aqjaıyq aýylynda taǵy bir sondaı statsıonar (20 oryndyq) ázirlengen, ol rezevte tur. Osyndaı statsıonarlar Kýmyska eldi mekeni men Báıterek aýdany Peremetnyı aýylynda da bar.
«Sonymen qatar provızorlyq statsıonar da bar. ıAǵnı adamnan tumaý belgisi baıqalsa, onda oblystyq juqpaly aýrýlar aýrýhanasyna jatqyzylady. Qazirgi kezde óńirde epıdemıologııalyq ahýal turaqty», dedi QazAqparat tilshisine N.Mustaev.
Eske sala keteıik, budan buryn Oralda koronavırýs týraly jalǵan habar taratqan áıelge qatysty qylmystyq is qozǵalǵanyn jazǵan bolatynbyz.
