Koronavırýs: BQO-da koronavırýstan jazylǵan ekinshi adam úıine shyǵaryldy
ORAL. QazAqparat – Batys Qazaqstan oblysynda koronavırýstan ekinshi adam jazylyp shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, Aqsaı qalasynyń turǵyny úıine shyǵaryldy.
«Áıeldiń jaǵdaıy qanaǵattanarlyq. Alynǵan synamalar jaqsy. Endi ol 14 kún boıy úı karantıninde bolady», - dedi QazAqparat tilshisine N.Ahmetova.
Bul – óńirde atalmysh dertten jazylyp shyqqan ekinshi adam.
Budan buryn BQO-da aýyrǵandar ishinen alǵashqy adam jazylyp shyqqan edi.
Osylaısha óńirde koronavırýsqa shaldyqqan 25 adamnyń ekeýi emdelip shyqty.
Eske sala keteıik, budan buryn koronavırýs juqtyrǵan aqsaılyq áıeldiń Saratovtan kelgenin jazǵan bolatynbyz.
Sondaı-aq, BQO-da koronavırýs juqtyrǵan 2 adamnyń avtobekette qyzýy kóterilgen.
Al 406 myń maskany Qazaqstannan Reseıge alyp bara jatqan júrgizýshi ustaldy.
